1 Kolinito 5:11 - Tokelauan New Testament

¹¹ Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

1 Kolinito 5:11 ပူးပေါင်းရင်းမြစ်များ

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Mataio 23:25

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputi ma autou ipukai, kae ko loto e tumu i nā mea na koutou maua i te tuinanau ma te mānumanu.

Luka 18:11

“Ko te Falehaio nae tū tautahi ma tatalo vēnei, ‘Te Atua, ko au e fakafetai atu ki a te koe, auā ko au e hē manako lahi, e hē talapepelo, ma e hē mulilua e vē ko iētahi tino. Ko au e fakafetai atu, auā ko au e hē vē ko te aolāfoga tēia.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 10:14

Ko te mea ia, te kau uho pele, koutou ke kalo kehe mai te ifo ki tupua.

1 Kolinito 11:21

Auā kāfai koutou e kakai, e kai tāfakavave te tino lava ia, ma mākokona ai iētahi kae konanā iētahi.

1 Kolinito 5:13

E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

1 Kolinito 6:10

pe ko nā tino kaihohoa, pe manatu fakapito, pe ko nā tino konanā, pe faitala fakakino, pe ko nā tino fāomea — e hēai ni tino vēnei e fai mo ki lātou te Mālō o te Atua.

1 Kolinito 6:6

Ka ko te mea e i ei, e kave e tētahi Kelihiano tētahi uho Kelihiano ki te fakamahinoga, ma tuku atu ai ki he fakamahino e hē talitonu ki te Atua, ke ia faia te fakaikuga.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

1 Kolinito 7:12

Mo iētahi tino, ko au (ko au kae hē ko te Aliki) e lea atu vēnei: kāfai he tamāloa Kelihiano e nonofo ma he fafine e hē he Kelihiano kae kua malie te fafine ke nonofo pea ki lāua, e hē tatau ke ia tatalagia te lā fakaipoipoga.

1 Kolinito 7:15

Kae kāfai te tino e hē he Kelihiano e fofou ke tīaki tona hoa Kelihiano, tuku vē ke fai. I nā mea vēnei, kua haoloto te hoa Kelihiano, pe ko te tāne pe ko te āvaga, ke fai te mea e fofou ia ki ei. Auā kua kalaga atu te Atua ko koutou ke ola i te fīlēmū.

1 Kolinito 8:11

Ma ko te tino vāivai tēnei, te uho o koutou na oti mo ia ia Keliho, ka fakaumatia ona ko tō “mālamalama” e tākua!

Kalatia 2:12

Ka ko hēki taunuku mai ki kinei nā tamāloa na uga mai e Iakopo, ko Petelu nae kakai fakatahi lava ma nā tino nukukehe. Kae talu lava te taunuku mai o nā tamāloa, e hēki toe kakai fakatahi ia Petelu ma nā tino nukukehe, auā nae mataku i nā tino nae fofou ke pelitome nā tino nukukehe kua talitonu.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

2 Ioane 1:10

Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 2:20

Kae ko tēnei te mea e hē fiafia ai au ki a te koutou: e hēai lele houtou teteke ki te fafine ko Iehapela, tēia e lea ko ia ko he pelofeta e a te Atua. E fakahehē e ia aku kaukauna e ala i ana akoakoga, ke ki lātou faia nā tuinanauga mātagā ki te tino, ma ke kakai ki nā meakai kua uma te fakatō mo nā tupua ta.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.