1 Kolinito 5:1 - Tokelauan New Testament

¹ Kua tākua mai e i ei nā tino o koutou e faia nā āmioga mātagā, ni āmio e pa ki tagata nukukehe e hē ki lātou faia. Ko te fakamatalaga kua maua e au, e i ei he tamāloa kua nonofo ma tona mātua fai, te āvaga a tona tamana.

1 Kolinito 5:1 ပူးပေါင်းရင်းမြစ်များ

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

Gāluega 15:29

nahe koutou kakai ki ni meakai kua ofo ma tāulaga mo nā tupua; nahe koutou kakai ki ni toto; nahe koutou kakai ki ni manuvaefa na titina; kalo kehe ma tuinanauga kino ki te tino. Ka lelei lele atu mo koutou, kāfai koutou e fakaeteete ma hē koutou faia nā mea iēnei. E alolofa atu ki mātou.”

1 Kolinito 1:11

Auā e i ei nā tino o te kāiga o Koloe, kua ki lātou taku hako maia ki a te au, ko koutou oku uho, e tauaimiha.

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

1 Kolinito 6:18

Kalo kehe ma nā āmioga mātagā. Ko ho hētahi agahala a he tamāloa e fai e hē āfāina ai tona tino; kae ko te tamāloa e faia nā āmioga mātagā, kua agahala ia ki tona lava tino.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

2 Kolinito 2:5

Kāfai na fai e he tino he mea ke hē fiafia ai hētahi tino, e hēki ia faia oioti ki a te au — kae i hētahi itū, na ia faia foki ki a te koutou uma. (Ko au kua lea atu vēnei ona ko au e hē fofou ke mamafa ātili ni aku kupu e fai ki te tino tēnei).

2 Kolinito 7:12

Ko te mea ia, e ui na kō tuhia te tuhi, e hēki kō tuhiagia ona ko te tino na faia te mea hehē pe ko te tino na āfāina ona ko te mea hehē tēnei. Na kō tuhia ke fakamanino atu ki a te koutou i mua o te Atua, te mālohi o te koutou lagolago mai ki a te au.

Kalatia 5:19

Ko nā mea e fai e te natula fakatetagata e manino lele. Ko te nanau ki te tino, ko te āmio fakamanu, ma te fai āmio mātagā;

Efeho 5:3

Ko koutou ni tagata e o te Atua, e hē tatau lele la ke tākua i autou talatalanoaga nā uiga tuinanau ki te tino, pe ko nā uiga mātagā, pe ko te manako lahi.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

Fakaaliga 2:21

Kua kō tukua ki ei he taimi ke halamō ai i ana agahala, kae e hē fofou ke liliu kehe mai nā tuinanauga mātagā o te tino.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”