1 Kolinito 4:8 - Tokelauan New Testament

⁸ Kua maua nei e koutou nā mea uma e manakomia e koutou? Kua maukoloa nei koutou? Kua fai nei koutou ma tupu, e ui lava ko ki māua e hē ni tupu? I hētahi itū, maimau ake ko koutou moni kua kavea ma tupu, kae ke kavea ai foki ki māua ma tupu fakatahi ma koutou.

1 Kolinito 4:8 ပူးပေါင်းရင်းမြစ်များ

Mataio 5:1

Kua kitea atu e Iehu te kaifenua oi fano ai ki luga o he mauga. Kua nofo ki lalo i kinā, oi ōmamai ai nā hoko o ia ki ona tafa.

Luka 6:25

Kae hāloa la koutou iēnā e mākokona nei; auā ka fia kakai koutou! Kae hāloa la koutou iēnā e faikakata nei; auā ka fakanoanoa ma faitatagi koutou!

Gāluega 26:29

Kua tali atu ia Paulo, “Pe pukupuku te taimi pe loa, ko taku tatalo ki te Atua, ko koe ma koutou uma iēnā e fakalogologo mai ki a te au i te aho nei, ke kavea ke vē ko au — kae vāganā ai la, ko au e hē fofou ko koutou ke noanoa i ni filifili!”

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

1 Kolinito 1:5

Auā ko te māfutaga a koutou ma Keliho kua maua ai e koutou te tamaokāiga i ho he mea, e aofia ai nā kupu e tautatala ai koutou ma te mālamalama lautele.

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

2 Kolinito 11:1

Ko au te fofou ke maua koutou i te onohai i nā mea ka lea atu ai au, e tuha lava pe kāfai au e vē e tamā favalevalea.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Fakaaliga 3:17

E lea koutou, ‘Ko au e maukoloa ma tūtūlelei; kua hē toe i ei he mea e fofou au ki ei.’ Kae e hē koutou iloa te kino lele ma te fakaalofa o koutou! Ko koutou e mātitiva, e hē lavalavā ma e tāuaho.

Fakaaliga 5:10

Kua fakatū e koe ki lātou ma mālō o ohitāulaga, ke kaukauna ki to tātou Atua, ma ka pule ki lātou i te lalolagi.”