1 Kolinito 4:6 - Tokelauan New Testament

⁶ Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

1 Kolinito 4:6 ပူးပေါင်းရင်းမြစ်များ

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 1:19

E lea mai te tuhituhiga paia, “Ka fakahēaogā e au te poto o tagata popoto ma kave kehea te mālamalama o tagata mālamalama.”

1 Kolinito 1:31

Ko te mea ia, e vē oi lea mai te tuhituhiga paia, “Ko ai lava e fia fakaali hona fāfia, e tatau ke fāfia ki te mea kua faia e te Aliki.”

1 Kolinito 13:4

Ko te alofa e onohai ma agalelei; e hē fuā pe fakamaualuga pe fāfia;

1 Kolinito 3:19

Auā ko te poto o te lalolagi ko te valea tēnā i te Atua. E vē oi lea mai te tuhituhiga paia, “E kitea e te Atua te vālelea o te kau popoto i to lātou fai togafiti”;

1 Kolinito 3:21

Ko te mea ia e hē tatau ai ke fāfia he tino i nā mea e mafai ke fai e tagata. Ko te meamoni, ko nā mea uma lele e a koutou:

1 Kolinito 5:2

E vēhea ake la ona fāfifia koutou! E hē tatau nei koutou ke māhiahi? Ko te tino kua ia faia te tēnei mea, e tatau ke tuli kehe ma te koutou maopoopoga.

1 Kolinito 5:6

E hē tatau koutou ke fāfifia. E hē koutou iloa ko te tamākīkī fefete e fefete ai te paluga kātoa?

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

2 Kolinito 10:12

E hē vē ko ki mātou e taumafai ke fakatuhatuha ki mātou ki nā tino e manatu ko ki lātou lava e hili te lelei. Kai te vālelea ātili o iēnei tino! E fai e ki lātou lava te fua fakatatau ke fua ai te tūlaga e i ei ai ki lātou tau tokatahi, ma e fakamahino lava e tētahi tētahi e ala i te lātou lava fua fakatatau!

2 Kolinito 10:15

Ko ki mātou la e hē fāfifia i nā gāluega kua fai e iētahi tino i tua atu o nā tuākoi kua tuku mai e te Atua mo ki mātou. Kae ko ki mātou e fakamoemoe ka tuputupu pea te koutou fakatuatua, ma mafai ai ke fakaopoopo te tokalahi o nā tino ka aofia ia mātou gāluega i te mea e i ei koutou, i loto lava o nā tuākoi kua tuku mai e te Atua.

2 Kolinito 10:7

Ko koutou e kikila ki te tino mai o nā mea i te kikila atu ki ei i fafo. E i ei nei ni tino i kinā e ki lātou mautinoa ko ki lātou e ia Keliho? E tatau ke toe māfaufau lelei ki lātou e uiga ki a te ki lātou, auā ko ki mātou e a Keliho, e vē foki lava ko ki lātou.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

2 Kolinito 12:6

Kāfai au e fofou ke fakaali hoku fāfia, e hē vēakē ko au e valea, auā ko au e tautala lava i te meamoni. Kae ka hē fakaaliagia hoku fāfia, auā e hē fofou au ke fakatāua au e he tino o koutou, ona ko nā mea kua kitea e koutou e fai e au, ma kua lagona e koutou e lea ai au.

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.