1 Kolinito 4:5 - Tokelauan New Testament

⁵ E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

1 Kolinito 4:5 ပူးပေါင်းရင်းမြစ်များ

Mataio 10:26

“Koutou la nahe mātataku i tagata; auā e hēai he mea e tatao ke galo ka hē toe kitea, pe mumuni ka hē toe iloa.

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 24:46

Amutia te kaukauna tēnei kāfai e maua mai e tona matai, koi galue lava i tona tofi na tuku ki ei!

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:23

Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’

Luka 6:37

“Nahe koutou fakamahino atu ki iētahi tino, oi hē fakamahinoa ai foki koutou e te Atua; nahe koutou fakahalagia iētahi tino, oi hē fakahalagia ai foki koutou e te Atua; fakamāgalo iētahi tino, oi fakamāgalo ai foki koutou e te Atua.

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”

Ioane 21:23

Oi piha ai te tala i nā tino kua talitonu ma mulimuli ki a Iehu, ko te hoko tēnei e hē oti lele. Ka ko Iehu e hēki lea ko te hoko tēnei e hē oti lele; na lea, “Kāfai au e fofou ke ola pea ia ke toe hau au, he ā te popole ai koe ki ei?”

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Loma 14:4

Ko ai nei koe ke fakamahino ai e koe nā kaukauna a hētahi tino? Nā ko te lātou Matai lava oioti te ia faia te tonu pe hako a lātou mea e fai pe hēai, ma ka fehoahoani te Aliki ki a te ki lātou ke mautinoa ko a lātou mea e fai e hako.

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

1 Kolinito 11:16

Kae kāfai he tino e fakafehiligia e ia te mea tēnei, oi oti lava te mea e lea atu ai au, e hēai ni a tātou tū māhani i nā mea tau tāpuakiga, ma e vēnā foki iētahi Ekalehia a te Atua.

1 Kolinito 11:26

Ko te uiga o te mea tēnei, ho he taimi lava e kakai ai koutou ki te falaoa ma inu ki te ipu, e folafola e koutou te maliu o te Aliki ke pa ki te taimi e toe afio mai ai.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

1 Kolinito 3:14

Kāfai te mea na fau ki luga o te fakavae e hao mai te afi, ka maua e te faufale he taui.

1 Kolinito 3:8

E hēai he mea e kehe ai te tino e ia totōa ma te tino e ia fakahūhūa; ka fōki e te Atua te taui o te tino e tuha ai ma tana gāluega kua fai.

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

2 Kolinito 10:9

Ko au e hē taumafai ke fakamataku koutou i aku tuhi.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

1 Tehalonia 5:2

Auā kua iloa lelei lava e koutou, ko te Aho o te Aliki ka hau e vē he tino kaihohoa i te pō.

Epelu 4:13

E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

Iakopo 5:7

Koutou la ke onohai, te kau uho, ke pa ki te aho e haele mai ai te Aliki. Kikila ki te onohai o nā faifatoaga ka koi fakatalitali ke maua mai ni fua tāua mai o lātou fenua! E fakatalitali ma te onohai ke pa ki te vāitaimi e ua ai i te kāmataga ma i te vāitaimi ka helehele ai.

Iakopo 5:9

Te kau uho, nahe mūimui tētahi ki tētahi, kae ke nahe fakamahinoa ai koutou e te Atua. Kikila, ko te fakamahino kua tū i te faitotoka, kua hāuni ka hau.

1 Petelu 1:7

Ko nā mea iēnei e fakamāonia ai pe moni te koutou fakatuatua. E pa foki lava ki te aulo, he mea e mafai ke fakakino, e iloa tonu tona lelei i te tuku ki te afi. E vēnā foki lava te koutou fakatuatua, he mea e hili atu te tāua i lo te aulo, ma e tatau foki ke iloa tona moni, kae ke mafai ai ke tūmau pea lava. Oi ka maua ai e koutou he vīkiga mai te Atua, ma kavea koutou ma tagata lauiloa ma te mamalu, i te Aho e haele mai ai ia Iehu Keliho.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

2 Petelu 3:12

ka koi fakatalitali koutou ki te Aho o te Atua, ma ke fai e koutou nā mea ke vave ai oi pa mai te Aho — te Aho e mu ma fakaumatia ai te lagi, ma ka liu ai ia mea uma i te lagi i te vevela.

2 Petelu 3:4

ma lea vē atu, “Na folafola e ia ko ia e toe haele mai, ni? Tēfea nei la? Kua feoti atu o tātou tupuna, kae ko nā mea uma lele e tūmau lava i te mea nae i ei ai talu te kāmataga o te lalolagi!”

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 20:12

Oi kō kitea atu ai nā tino kua oti, ki lātou e takutakua vēnā ma ki lātou e fakatauva, e tutū i mua o te nofoāliki. Kua tatala nā tuhi, ma na tatala ai foki ma hētahi tuhi, te tuhi o te ola. Kua fakamahino nā tino kua oti e tuha ai ma a lātou mea nae fai, e vē oi fakamaumau i loto o nā tuhi.