1 Kolinito 4:21 - Tokelauan New Testament

²¹ He ā te fofou koutou ki ei? Ke fanatu au ma te kini ki a te koutou, pe fanatu i te agaga o te alofa ma te agamalū?

1 Kolinito 4:21 ပူးပေါင်းရင်းမြစ်များ

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 10:6

Ma kāfai kua fakamāonia te kātoatoa o te koutou uhitaki, ka hāuniuni ki mātou ke taku halagia ho he tino e hē fia uhitaki.

2 Kolinito 10:8

Auā ko au e hē ma, e tuha lava pe kua hona fāfia ātili au ona ko te pule kua tuku mai e te Aliki ki a te ki mātou — te pule ke fatufatu ake ai ki luga te koutou fakatuatua, kae hē ke fakaumatia ai koutou.

2 Kolinito 12:18

Na tauanau e au ia Tito ke fanatu, ma uga atu ai fakatahi ma tētahi uho o ki mātou. Na fakavalea nei koutou e Tito? Nae hē tutuha nei la o ma loto, ma nā mea nae fai e ki māua?

2 Kolinito 13:10

Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 13:2

Ko au e fia lea atu ki a te koutou iēnā nae agahala i te taimi kua teka, vēnā ma iētahi uma; na lea atu au i te mea tēnei i te lua o taimi na āhiāhi atu ai au, kae ka toe lea atu au i te taimi nei kua hē i kinā au: ko tētahi taimi e fanatu ai au, e hēai he tino e fakahaoa mai te fakahalaga.

2 Kolinito 2:1

Ko te mea ia kua tonu ai i toku māfaufau ke nahe toe fanatu haku malaga ke fakatupu ai he loto tīgā ia te koutou.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 3:10

Ko te meamoni, ko te lahi atu lele o te huhulu pupula o te feagaiga fou kua fōliga ai kua uma te aogā o te Tūlāfono.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

1 Tehalonia 2:7

e ui lava ko ki mātou ni apohitolo e a Keliho ma na tatau ke lea atu ki mātou ki nā mea e fofou ki mātou ki ei. Kae ko ki mātou nae faifai mālie atu lava ki a te koutou, e vē he mātua e kikilagia tana fānau.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.