1 Kolinito 4:2 - Tokelauan New Testament

² E hē gata la i tēnā, e manakomia nā kaukauna vēnei, ke fakamāoni ki to lātou matai.

1 Kolinito 4:2 ပူးပေါင်းရင်းမြစ်များ

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:23

Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

1 Kolinito 4:3

E hēai lele la hoku popole pe kāfai au e fakamahino e koutou pe i loto o he fale fakamahino o tagata. Ko te meamoni, e hē kō fakamahinoa foki au.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

Kolohe 4:17

Ma lea ki a Alihipo, “Ke mautinoa e uma te gāluega na tuku atu ki a te koe ke tautua ai ki te gāluega a te Aliki.”

Kolohe 4:7

Ko to mātou uho pele ko Tuhiko, he tino faigāluega fakamāoni, ma ko he uho foki e gālulue fakatahi ki mātou i te gāluega a te Aliki, ka ia kavatua ni tala e uiga ki a te au.