1 Kolinito 4:19 - Tokelauan New Testament

¹⁹ Kae ko au ka fanatu i he taimi lata mai, pe kāfai e finagalo ki ei te Aliki. Ma ka iloa ai e au te meamoni, e hē gata i nā kupu a nā tino fia popoto, kae pe ia te ki lātou moni te mana o te Agaga Paia.

1 Kolinito 4:19 ပူးပေါင်းရင်းမြစ်များ

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 20:2

Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Loma 15:32

Ma ko au la ka fanatu ma te loto fiafia, pe kāfai ko te finagalo ia o te Atua, ma ke maua e au he fakamālōlōga fiafia i toku māfuta ma koutou.

1 Kolinito 11:34

Ma kāfai he tino o koutou e fia kaia, e tatau ke kai i te fale, kae ke nahe lavea ai ia i te fakamahinoga a te Atua ka koi maopoopo koutou. Ko iētahi mea, ka fakatonu atu koutou e au kāfai au e pa atu.

1 Kolinito 14:5

Ko au e fofou ko koutou uma ke tautatala i nā gagana kehekehe; kae e hili atu toku fofou ke ia te koutou te meaalofa ko te folafolaga o te fekau mai te Atua. Auā ko te tino e ia folafola te fekau mai te Atua, e hili atu tona tāua i lo he tino e tautala i nā gagana kehekehe — vaganā e i ei he tino i te taimi tēnā, e ia mafaia oi fakamatala nā mea e tautala ai, kae ke mālamalama ai te Ekalehia kātoa.

1 Kolinito 16:5

Ko au ka fanatu oi āhiāhi atu ki a te koutou kāfai e uma taku malaga ki Maketonia — auā ko au e tatau ke kui atu muamua i loto o Maketonia.

1 Kolinito 16:7

Ko au e hē fofou ke māfuta ma koutou mo hina taimi pukupuku; ko au e fofou ke mataloa he taimi e māfuta ai au ma koutou, kāfai e finagalo ki ei te Aliki.

1 Kolinito 2:6

Kae e folafola e au he fekau e uiga ki te poto, ki nā tino kua mautū i te fakateagaga. E hē ko te poto o te lalolagi nei, pe o nā mālohiaga e pūleagia te lalolagi — nā mālohiaga e fano e uma te lātou pule.

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 4:6

Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 10:9

Ko au e hē taumafai ke fakamataku koutou i aku tuhi.

Epelu 6:3

Tātou olo la ki mua! Ma ko te mea tēnei e fai e ki tātou pe kāfai e finagalo ki ei te Atua.

Iakopo 4:15

Kae ko koutou e tatau ke lea vē, “Kāfai e tuha ai ma te finagalo o te Aliki, ko ki tātou ka ola ma fai te mea tē ma te mea tē.”