1 Kolinito 4:17 - Tokelauan New Testament

¹⁷ Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

1 Kolinito 4:17 ပူးပေါင်းရင်းမြစ်များ

Mataio 24:45

“Ko ai la te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:23

Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

1 Kolinito 11:16

Kae kāfai he tino e fakafehiligia e ia te mea tēnei, oi oti lava te mea e lea atu ai au, e hēai ni a tātou tū māhani i nā mea tau tāpuakiga, ma e vēnā foki iētahi Ekalehia a te Atua.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 11:34

Ma kāfai he tino o koutou e fia kaia, e tatau ke kai i te fale, kae ke nahe lavea ai ia i te fakamahinoga a te Atua ka koi maopoopo koutou. Ko iētahi mea, ka fakatonu atu koutou e au kāfai au e pa atu.

1 Kolinito 14:33

auā e hē fofou te Atua ko ki tātou ke i he tūlaga fakahētonu, kae ke maua i te fealofani ma te fīlēmū. E vē ko te tūlaga e i ei nā Ekalehia uma a tagata o te Atua,

1 Kolinito 16:1

E vē la ki te mea na tuhi mai ai koutou ki he tupe ke hakili ke fehoahoani ki tagata o te Atua i Iutea: e tatau ke koutou faia te mea na fakatonu e au ki nā Ekalehia i Kalatia ke fai.

1 Kolinito 16:10

Kāfai ia Timoteo e fanatu ki kinā, kikila lelei ifo ki ei ke nahe i ei he mea e fakapopolegia ai, auā ko he tino e galue mo te Aliki, e vē foki lava ko au.

1 Kolinito 4:14

Ko au e hē tuhi vēnei atu ke fakamahiahi koutou, kae ke fakatonu atu koutou nā fānau e pele ia te au.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

1 Kolinito 4:2

E hē gata la i tēnā, e manakomia nā kaukauna vēnei, ke fakamāoni ki to lātou matai.

1 Kolinito 7:17

Tuku vē ki te tino lava ia, ke ola i te ōlaga nae i ei ai i te taimi na filifilia ma kalagagia ai e te Atua ke kavea mo ia. Ko te mea tēnei e fakatonu lava e au ki nā Ekalehia uma.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

2 Kolinito 8:18

Kua ki mātou uga atua fakatahi ma Tito, te uho a kaukauna, kua lauiloa i nā Ekalehia uma, i tana gāluega ko te folafolaga o te Tala Lelei.

Efeho 6:21

Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Filipi 2:19

Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo ki a te koutou i he taimi pili mai, kae ke maua mai ai ni tala e uiga ki a te koutou, e fakamākeke ātili mai ki a te au.

Filipi 2:22

Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi ki māua e vē lava he ataliki ki a te au, i te tālakiga o te Tala Lelei.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

Kolohe 4:9

E o atu fakatahi ki lāua ma Onehimahi te uho fakapelepele ma te fakamāoni, ma ko hētahi foki lava o koutou. Ka fakailoa atu e ki lāua nā mea uma e tutupu i kinei.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.