1 Kolinito 4:15 - Tokelauan New Testament

¹⁵ Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

1 Kolinito 4:15 ပူးပေါင်းရင်းမြစ်များ

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 15:1

I te taimi nei, e fia fakamanatu atu e au ki a te koutou oku uho, te Tala Lelei kua uma te folafola atu e au ki a te koutou, tēia kua talia e koutou ma kua mautū ai te koutou fakatuatua.

1 Kolinito 3:10

Ona ko te meaalofa na fōki mai e te Atua ki a te au, na fai ai e au te gāluega a he tino poto fau fale ma fakatū te fakavae, ma fau fakaopoopo ai e hētahi tino ki luga. Kae ko nā tino tau tokatahi e tatau ke fakaeteete i tana fau fakaopoopo e fai ki ei.

1 Kolinito 3:6

Na totō e au te fatu, na fakahūhū e Apolo, kae ko te Atua te na ia fakaola te lākau.

1 Kolinito 3:8

E hēai he mea e kehe ai te tino e ia totōa ma te tino e ia fakahūhūa; ka fōki e te Atua te taui o te tino e tuha ai ma tana gāluega kua fai.

1 Kolinito 9:12

Kāfai e i iētahi tino te aiātatau ke tauhi ai ki lātou e koutou, ka hē hili atu nei la ta mātou aiātatau? E ui i tēia, e hēki ki mātou fakaaogā te aiātatau tēnei. Kae kua onohai ki mātou i nā mea uma, kae ke nahe kavea ma mea e tulave ai te Tala Lelei e uiga ki a Keliho.

1 Kolinito 9:14

Na vēnā foki lava ona fakatonu e te Aliki, ko ki lātou e tālakia te Tala Lelei e tatau ke maua he mea e ola ai mai te Tala Lelei.

1 Kolinito 9:16

Auā kāfai e tālaki e au te Tala Lelei, e hēai la he mea ke fāfia tauanoa ai au. Ko au na fakatonugia ke faia te mea tēnei. Kae hāloa la au pe kāfai e hē kō tālakia te Tala Lelei!

1 Kolinito 9:18

He totogi a la to oku e maua? Ko te avanoa ke tālaki ai te Tala Lelei e aunoa ma he totogi, e aunoa ma hoku tagi ki aku aiātatau i taku galue mo te Tala Lelei.

1 Kolinito 9:23

E fai e au nā mea uma iēnei mo te tala lelei, kae ke i ei fakatahi ai au i nā fakamanuiaga e maua mai ai.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

Kalatia 3:24

Ma ko te Tūlāfono la te nae ia pūlea ki tātou ke pa ki te taimi na haele mai ai ia Keliho, kae ke mafai ai ke fakalelei to tātou va ma te Atua, e ala i te fakatuatua.

Kalatia 3:25

Nei kua iloa e ki tātou te fakatuatua, ko ki tātou la kua hē toe pūlea e te Tūlāfono.

Kalatia 4:19

Taku fānau pele! E vē o na lagona nā tīgā e he mātua kāfai ka fānau, e vēnā foki oi lagona e au nā tīgā, ke pa lava ki te taimi e kavea ai koutou ke vē ko Keliho.

2 Timoteo 4:3

Auā e hau nā taimi ka hē toe fia fakalogo ai nā tino ki nā akoakoga moni, kae ka mulimuli lava ki o lātou tuinanauga, ma fakamāopoopo ai mo ki lātou lava ni faiakoga ke ki lātou taku akea nā mea e fia fakalogo ki ei o lātou taliga.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:19

Tēnei ka tuhi e au ki lalo i toku lima: Ko au ko Paulo, ka toe totogi atu e au taku kaitālafu ki a te koe. (E hē tau kō fakamanatu atua foki ko koe e nofo kaitālafu mai ki a te au e ala i tō ōlaga fou ia Keliho.)

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.