1 Kolinito 4:12 - Tokelauan New Testament

¹² ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

1 Kolinito 4:12 ပူးပေါင်းရင်းမြစ်များ

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 6:28

fakamanuia ki a te ki lātou e fetūa koutou, ma tatalo mo ki lātou e fakahāuā atu ki a te koutou.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

Gāluega 20:34

E iloa lelei lava e koutou, ko oku lima lava iēnei nae galue ke maua ai nā mea uma nae manakomia e au ma oku hoa a kaukauna, ke ola ai ki mātou.

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Loma 12:14

Lea ki te Atua ke fakamanuia nā tino e faikino atu ki a te koutou — io, lea ke fakamanuia kae nahe fakamālaia.

Loma 12:20

E lea mai foki vēia, “Kāfai nā fili o koutou e fia kakaia, fafaga; kāfai e fia inu, fakainu; auā ko te faiga tēnei ka mu ai ki lātou i te māhiahi.”

Loma 8:35

Ko ai la te ka ia vavae kehea ki tātou mai te alofa o Keliho? E mafai nei e nā fakafītāuli, pe ko nā puapuagā, pe ko nā fakahāuāga, pe ko te fiakaia, pe ko te mativa, pe ko te lamatia o te ola, pe ko te oti?

1 Kolinito 9:6

Pe ko te mea ko ki māua oioti lava ma Panapa te tatau ke gālulue mo ni totogi ke tauhi ai lava ki māua?

2 Kolinito 11:8

I te taimi na galue ai au mo koutou, ko au nae totogi e iētahi Ekalehia.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

2 Tehalonia 3:8

E hēki talia lele e ki mātou he fehoahoani mai he tino e aunoa ma te totogi e ki mātou ki ei i he tupe. Ko ki mātou nae gālulue ma te fītatā i te ao ma te pō, kae ke nahe fakafītatā ki mātou ki a te koutou.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

1 Petelu 2:23

Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.

1 Petelu 4:19

Ko te mea ia, ko nā tino e puapuagā ona ko te mea ia kua finagalo ki ei te Atua, ka ki lātou faia te mea e hako ma tuku kātoatoa atu ki lātou ki te pule a tē na faia ia mea uma, ma e tauhi pea lava ki ana folafolaga.

Iuta 1:9

Ke pa foki lava ki a Mikaele, ko hētahi ia o agelu hili a te Atua, e hēki ia mafaia oi fai ni kupu mātagā vēnei. I te la fetaliakiga ma te Tiāpolo e uiga ki te tino o Mohe, e hēki fakaaogā e ia ni kupu mātagā ke fakailoa ai ki te Tiāpolo tona hehē, kae na lea vē oioti, “Ko te Aliki e ia munaiagia koe.”