1 Kolinito 4:11 - Tokelauan New Testament

¹¹ Ke pa mai ki te taimi nei, ko ki mātou e fia kakai ma fia inu; e kokofu i nā kofu gāhaehae; e kini; e hēai ni mea e nonofo ai;

1 Kolinito 4:11 ပူးပေါင်းရင်းမြစ်များ

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 16:23

Kua uma te kini tīgāina o ki lāua, oi togi ai ki te falepuipui ma te fakatonuga ki te leoleo falepuipui, ke loka mau te toka lua.

Gāluega 23:2

Oi fakatonu ai e te Ulu Ohitāulaga ko Anania nā tino nae tutū i tafa o Paulo, ke po te gutu o Paulo.

Loma 8:35

Ko ai la te ka ia vavae kehea ki tātou mai te alofa o Keliho? E mafai nei e nā fakafītāuli, pe ko nā puapuagā, pe ko nā fakahāuāga, pe ko te fiakaia, pe ko te mativa, pe ko te lamatia o te ola, pe ko te oti?

1 Kolinito 9:4

E hē ia te au nei te aiātatau ke fōki mai ai haku meakai ma haku vai inu e tuha ai ma taku gāluega e fai?

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

2 Kolinito 4:8

E maua ho ki mātou i nā fakafītāuli, kae e hē haihaitia ai ki mātou. E maua ho ki mātou i nā fakahētonu, kae e hē fakavāivai ai ki mātou.

Filipi 4:12

E iloa e au te mea e takua ko te mativa ma te mea e takua ko te lahi o ni mea. Kua iloa e au te mealilo tēnei; ma pe ko fea lava la te i ei au, i ho he taimi, ko au e fiafia lava, pe mākona au pe fiakaia, pe lahi aku mea pe taigole.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.