1 Kolinito 3:9 - Tokelauan New Testament

⁹ Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

1 Kolinito 3:9 ပူးပေါင်းရင်းမြစ်များ

Mataio 15:13

Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga.

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 9:37

Oi vāgana atu ai ki ona hoko, “E lahi te helehelega, kae e tokaititi nā tino faigāluega.

Maleko 16:20

Oi olo ai nā hoko oi tālaki atu te Tala Lelei ki nā itū uma o te lalolagi; nae gālulue fakatahi foki ki lātou ma te Aliki, ma na fakamāonia te moni o ta lātou tālakiga i nā vāvega nae ki lātou faia.] [

Gāluega 4:11

Ko Iehu te na lea mai ai te tuhituhiga paia vē, ‘Ko te fatu na tīaki e koutou nā tufuga faufale, na iku ake kua kavea ma fatu e pito hili te tāua.’

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

1 Kolinito 3:6

Na totō e au te fatu, na fakahūhū e Apolo, kae ko te Atua te na ia fakaola te lākau.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

1 Timoteo 3:15

nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

3 Ioane 1:8

Ko ki tātou la nā tino Kelihiano, e tatau ke fehoahoani ki nā tino iēnei, kae ke mafai ke gālulue fakatahi ki tātou ma ki lātou, mo te meamoni.