1 Kolinito 3:8 - Tokelauan New Testament

⁸ E hēai he mea e kehe ai te tino e ia totōa ma te tino e ia fakahūhūa; ka fōki e te Atua te taui o te tino e tuha ai ma tana gāluega kua fai.

1 Kolinito 3:8 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Luka 19:19

Kua lea atu te aliki, ‘Ko koe ka pule i nā kakai e lima.’

Loma 2:6

Auā ka i ei te taui e fōki mai e te Atua mo ki tātou tau tokatahi, e tuha ai ma a tātou mea na fai.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

1 Kolinito 3:14

Kāfai te mea na fau ki luga o te fakavae e hao mai te afi, ka maua e te faufale he taui.

1 Kolinito 3:7

Ko te tino na ia totōa ma te tino na ia fakahūhūa e hē tāua. Kae ko te Atua te tāua, auā na fakaola e ia te lākau.

1 Kolinito 3:9

Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

1 Kolinito 9:7

Ko ai ni fitafita e totogi lava e ki lātou nā mea e ola ai ma nā mea e fakaaogā e ki lātou? Ko ai ni faifatoaga e hē kakai lele ki ni vine mai o lātou lava tōvine? Ko ai ni leoleomāmoe e hē ki lātou fakaaogā nā huāhuhu mai a lātou lava māmoe?

Kalatia 6:4

E tatau ke kikila totoka ifo lava te tino ki ana lava gāluega na fai. Kāfai e lelei ana gāluega, oi e tatau ai lava la ke ia lagona te fāfia i tona loto. Kae nahe ia fakatuhatuhagia ki ni mea a hētahi tino kua fai.

Kalatia 6:5

Auā ko ki tātou, e amo lava te kavega a te tino.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

2 Ioane 1:8

Koutou la ke mataala, kae ke nahe kave kehea ai te aogā o nā gāluega nae fai e ki mātou ma ka maua ai he koutou taui kātoatoa.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

Fakaaliga 22:12

Kua vāgana ia Iehu, “Kikila, ko au kua tāli fanatu, ma ka kō kavatua nā taui mo tagata tau tokatahi, e tuha ai ma a lātou mea nae fai.