1 Kolinito 3:5 - Tokelauan New Testament

⁵ Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 3:5 ပူးပေါင်းရင်းမြစ်များ

Mataio 25:15

Kua tuku atu e ia ki a te ki lātou tau tokatahi, e fua lava ki te iloa ma te mālamalama o te tino; ki tētahi na tuku atu e ia ki ei te lima tāleni, ki tētahi e lua tāleni, ma tētahi e fokotahi te tāleni. Oi fano ai loa i tana malaga.

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Ioane 3:27

Kua tali atu ia Ioane, “E hēai he mea e fokotahi e mafai ke maua e he tino, vaganā te mea e fōki ki ei e te Atua.

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 16:12

Kae e vē la ki to tātou uho ko Apolo, e lahi nā taimi nae fakamālohi ai au ki ei ma iētahi uho Kelihiano, ke āhiāhi atu ki a te koutou, kae e hē talitonu ko te taimi tēnei e tatau ke fanatu ai ia. Kae kāfai loa e maua he avanoa, oi kua fanatu ai.

1 Kolinito 3:10

Ona ko te meaalofa na fōki mai e te Atua ki a te au, na fai ai e au te gāluega a he tino poto fau fale ma fakatū te fakavae, ma fau fakaopoopo ai e hētahi tino ki luga. Kae ko nā tino tau tokatahi e tatau ke fakaeteete i tana fau fakaopoopo e fai ki ei.

1 Kolinito 3:22

pe ko Paulo, pe ko Apolo, pe ko Kepa, pe ko te lalolagi nei, pe ko te ola pe ko te oti, pe ko te taimi nei pe ko te lumanaki — ko nā mea uma iēnei e a koutou,

1 Kolinito 3:7

Ko te tino na ia totōa ma te tino na ia fakahūhūa e hē tāua. Kae ko te Atua te tāua, auā na fakaola e ia te lākau.

1 Kolinito 9:17

Anei taku gāluega na fai i toku lava loto malie, e fakamoemoe au ko au e totogi; kae e kō faia ona ko he tiute kua tōfia ai au e te Atua.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 3:3

E manino lava ko Keliho te na ia tuhia te tuhi tēnei, ma na ki mātou kavatua ki a te koutou e ala i ta mātou gāluega. E hēki tuhia i he vaituhi, kae na tūhia i te Agaga o te Atua ola, ma e hēki tuhia ki luga o ni fatupapa māfolafola, kae na tūhia ki nā loto o tagata.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 4:5

Auā e hē tālakia e ki mātou e uiga ki a te ki mātou lava; e tālaki e ki mātou ko Iehu Keliho ko ia ko te Aliki, ma ko ki mātou ni kaukauna ki a te koutou ona ko Iehu.

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

2 Kolinito 5:18

Ko te mea kātoa tēnei na fai e te Atua. Na ia fakaleleia to tātou va ma ia e ala ia Keliho, ma tuku mai e ia ki a te ki mātou te gāluega ko te fakaleleia o te va o ia ma iētahi tino.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

Efeho 3:7

Ko au na kavea ma kaukauna a te tala lelei e ala i te alofa tūnoa, te meaalofa fōaki fua a te Atua, na ia fakagaluegia i loto ia te au e ala i tona mana.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:25

Ma ko au kua tōfia e te Atua ke fai ma kaukauna ki te Ekalehia, ma ia fōki maia te gāluega tēnei ke fai mo te koutou lelei. Ko te gāluega tēnei, ko te folafolaga kātoatoa o tana fekau,

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.