1 Kolinito 3:3 - Tokelauan New Testament

³ auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

1 Kolinito 3:3 ပူးပေါင်းရင်းမြစ်များ

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 1:11

Auā e i ei nā tino o te kāiga o Koloe, kua ki lātou taku hako maia ki a te au, ko koutou oku uho, e tauaimiha.

1 Kolinito 11:18

Ko te mea muamua, kua fakalogo au kāfai e fai autou māfutaga ko koutou e fevaevaeaki; ma ko au e talitonu e hako he vāega o nā mea iēnei kua fakalogo au ki ei.

1 Kolinito 3:4

Kāfai e lea vē he tino o koutou, “Ko au e mulimuli ki a Paulo,” ka ko tētahi e lea vē, “Ko au e mulimuli ki a Apolo” — e hē ko nā uiga la iēnā o tagata o te lalolagi?

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:15

Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 3:16

Auā ko te mea e i ei te fuā ma te fakapito, ka i ei ai foki te vevehi ma nā itūkāigā āmio kino uma.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.