1 Kolinito 3:18 - Tokelauan New Testament

¹⁸ Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

1 Kolinito 3:18 ပူးပေါင်းရင်းမြစ်များ

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 18:4

Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei.

Maleko 10:15

E takutino atu e au ki a te koutou, ko ai lava e hē ia talia te Mālō te Atua e vē he tamaiti, ka hē hao atu lele ia ki ei.

Luka 18:17

E takutino atu e au ki a te koutou, ko ai lava e hē ia talia te Mālō o te Atua e vē he tamaiti, ka hē hao atu lele ia ki ei.”

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

1 Kolinito 15:33

Ia koutou nahe fakahehēa lele. “Ko te fakapipiki ki nā tino kino e fakahēaogā ai te lelei o te āmio.”

1 Kolinito 3:17

Ka fakaumatia e te Atua te tino e ia fakakinoa tona mālumalu. Auā ko te mālumalu o te Atua e paia, ma ko koutou ko tona mālumalu.

1 Kolinito 4:10

Ona ko Keliho, e kavea ai ki mātou ma tagata vālelea; kae ko koutou e popoto i te māfutaga ma Keliho! Ko ki mātou e vāivai, kae ko koutou e mālolohi! Ko ki mātou e inohia, kae ko koutou e fakaaloalogia e tagata!

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Kalatia 6:7

Ia koutou i nā fakahehēa; e hēai he tino e ia fakavaleagia te Atua, ma e helehele lava e te tino te mea na ia totōa.

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 1:22

E tatau ke fakatino e koutou te kupu a te Atua, kae hē nā ko te fakalogo oioti ki ei, auā ko te mea ia te ka fakahehē ai koutou.

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

1 Ioane 1:8

Kāfai ki mātou e lea e hēai ni a mātou agahala, kua pepelo lava ki mātou ki a te ki mātou, ma e hēai he meamoni ia te ki mātou.