1 Kolinito 3:15 - Tokelauan New Testament

¹⁵ Kae kāfai te gāluega e mu uma, ka lahi lele la te gau o te faufale e ui lava ka fakahaogia ia, e vē he tino na hao mai i loto o he afi.

1 Kolinito 3:15 ပူးပေါင်းရင်းမြစ်များ

Gāluega 27:21

Na mataloa te taimi na hēki mafai ai ke kakai nā tino nae i luga o te vaka, oi tū ai ia Paulo i mua o ki lātou ma lea vē atu, “Taulelea, na tatau lava koutou ke fakalogo mai ki a te au, i toku lea atuga ko ki tātou nahe folau kehe mai i Kelete; moinei ake e hēai he mea e fokotahi e fakakino pe māumau.

Gāluega 27:44

ko nā tino e totoe, ka mulimuli atu e lagalagai i nā laupapa loloa pe ni vāega o te vaka kua malepe ma to kehe. Na vēnā la te auala na hao uma ai ki mātou ki gāuta.

1 Petelu 4:18

E vē oi lea mai te tuhituhiga paia, “E faigatā lele nā tino lelei ke fakaolagia; he ā nei la te ka pa ki ei nā tino agahala ma hē talitonu ki te Atua?”

2 Ioane 1:8

Koutou la ke mataala, kae ke nahe kave kehea ai te aogā o nā gāluega nae fai e ki mātou ma ka maua ai he koutou taui kātoatoa.

Iuta 1:23

fakaola iētahi tino i te tahamu kehe mai i loto o te afi o te fakamahinoga; loto alolofa ki iētahi tino ma ko koutou foki ke fakaeteete; kae inoino ki o lātou lākei kua kelekelea i o lātou lava tuinanauga ki te tino.

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.