1 Kolinito 3:12 - Tokelauan New Testament

¹² Ko iētahi tino ka ki lātou fakaaogā nā aulo pe ko nā hiliva pe ko nā fatu mānanaia, i te fauga ki luga mai te fakavae; ko iētahi ka ki lātou fakaaogā nā lākau pe ko nā mutia mamago, pe ko nā mutia loloa.

1 Kolinito 3:12 ပူးပေါင်းရင်းမြစ်များ

Gāluega 20:30

E hau te taimi e fai ai e ni tino o koutou ni fakamatalaga pepelo ke takitaki kehe ai nā tino Kelihiano ma mulimuli ake ai ki a te ki lātou.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 3:11

Auā kua uma te fakatū e te Atua te fakavae e fokotahi, ko Iehu Keliho, ma e hēai he tahi fakavae e mafai ke toe fakatū.

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Timoteo 6:3

Ko ai lava e ia akoakoa he talitonuga e kehe mai i nā kupu moni a to tātou Aliki ko Iehu Keliho ma nā akoakoga a te tātou talitonuga faka-Kelihiano,

2 Timoteo 2:20

I he fale lahi, e i ei nā ipukai ma nā ipuloloto kehekehe: ko iētahi e gaohia i te hiliva ma te aulo, ko iētahi e gaohia i te lākau ma te ōmea; ko iētahi e fakaaogā mo nā mea fakapitoa, ko iētahi e mo nā mea māhani.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

2 Timoteo 3:7

nā fafine e fiafia pea lava oi fakalogologo ki nā akoakoga, kae e hē mafai lele ke ki lātou iloa te meamoni.

2 Timoteo 4:3

Auā e hau nā taimi ka hē toe fia fakalogo ai nā tino ki nā akoakoga moni, kae ka mulimuli lava ki o lātou tuinanauga, ma fakamāopoopo ai mo ki lātou lava ni faiakoga ke ki lātou taku akea nā mea e fia fakalogo ki ei o lātou taliga.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

1 Petelu 1:7

Ko nā mea iēnei e fakamāonia ai pe moni te koutou fakatuatua. E pa foki lava ki te aulo, he mea e mafai ke fakakino, e iloa tonu tona lelei i te tuku ki te afi. E vēnā foki lava te koutou fakatuatua, he mea e hili atu te tāua i lo te aulo, ma e tatau foki ke iloa tona moni, kae ke mafai ai ke tūmau pea lava. Oi ka maua ai e koutou he vīkiga mai te Atua, ma kavea koutou ma tagata lauiloa ma te mamalu, i te Aho e haele mai ai ia Iehu Keliho.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.

Fakaaliga 21:18

Ko te puipui e fau i te iahepi, ma ko nā mea uma i te kakai na fau i te aulo mamā, ma ko te mamā o te aulo kua pāgilagila ai e vē he tioata i te kikila ki ei.

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.