1 Kolinito 3:11 - Tokelauan New Testament

¹¹ Auā kua uma te fakatū e te Atua te fakavae e fokotahi, ko Iehu Keliho, ma e hēai he tahi fakavae e mafai ke toe fakatū.

1 Kolinito 3:11 ပူးပေါင်းရင်းမြစ်များ

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

1 Kolinito 3:10

Ona ko te meaalofa na fōki mai e te Atua ki a te au, na fai ai e au te gāluega a he tino poto fau fale ma fakatū te fakavae, ma fau fakaopoopo ai e hētahi tino ki luga. Kae ko nā tino tau tokatahi e tatau ke fakaeteete i tana fau fakaopoopo e fai ki ei.

1 Kolinito 3:12

Ko iētahi tino ka ki lātou fakaaogā nā aulo pe ko nā hiliva pe ko nā fatu mānanaia, i te fauga ki luga mai te fakavae; ko iētahi ka ki lātou fakaaogā nā lākau pe ko nā mutia mamago, pe ko nā mutia loloa.

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

1 Petelu 2:4

Ōmamai ki te Aliki, te fatu e ola pea lava na tīaki e tagata e hēai he aogā, kae na filifilia e te Atua e tāua lahi lele.