1 Kolinito 2:3 - Tokelauan New Testament

³ Ma i te kāmataga, ko au nae vāivai ma tete i te mataku,

1 Kolinito 2:3 ပူးပေါင်းရင်းမြစ်များ

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 18:1

Kua teka atu nā mea iēnā, oi fano ai ia Paulo mai Atenai ki Kolinito.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 10:10

Auā ko iētahi o koutou e lea vē, “Te loloto ma te mālolohi o nā tuhi a Paulo, kae kāfai e i kinei ma ki tātou, te vāivai ma te hēai o he uiga o ana kupu!”

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 4:16

Ko ki mātou la e hē fakavāivai lele. E ui lava ko o mātou tino fakatetagata e fano lava e pala, kae ko o mātou tino fakateagaga, e fakafougia pea lava i aho takitahi.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 7:15

E alofa lahi lele atu ia Tito ki a te koutou uma, kae maihe lava kāfai e ia manatua te uhitaki o koutou uma ki nā mea nae lea atu ai, vēnā ma te gatete ma te mātataku o koutou, i te taimi na feiloaki ai koutou.

2 Kolinito 7:5

Ke pa lava ki te kua taunuku o ki mātou ki Maketonia, e hēki maua lele ha mātou malōlōga. Na maua ki mātou i nā fakafītāuli kehekehe; nae tauai kupu ma iētahi tino, ma lagona te mataku i o mātou loto.

Efeho 6:5

Ko koutou pologa, uhitaki ki outou matai fakatetino i te mataku ma te gatete; fai te mea tēnei ma te loto fakamāoni moni, e vē lava ko koutou e kaukauna ki a Keliho.