1 Kolinito 2:14 - Tokelauan New Testament

¹⁴ Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Kolinito 2:14 ပူးပေါင်းရင်းမြစ်များ

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Ioane 10:20

E tokalahi ki lātou na lea vē, “Ko te tagata tēnei e ulufia e he tēmoni! E hē lelei te māfaufau. He ā la te fakalogo tauanoa ai koutou ki ei?”

Ioane 12:37

E ui na ia faia nā fakailoga uma iēnei i mua o tagata, e hēki talitonu ki lātou ki a te ia,

Ioane 14:17

Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ioane 14:26

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Ioane 8:43

He ā nei te hē mālamalama ai koutou i te mea e lea atu ai au? E māfua ona e hē koutou mafaia oi talia taku kupu.

Gāluega 16:14

Ko tētahi o fafine na ia lagona a mātou tala ko Litia, e hau mai Tuateilo, he tino fakatau koloa i nā kie violē taugatā. Ko he fafine nae tāpuaki ki te Atua, ma na tatala ai e te Aliki tona māfaufau ke mālamalama i te mea nae tautala ai ia Paulo.

Gāluega 17:18

Nae i kinā ni tino o te talitonuga faka-Epikuleionu ma ni tino o te talitonuga o Hitōikō. Kua fehili vē iētahi o ki lātou, “E vēhea ake ko te mea e lea ai te tagata fiapoto tēnā?” Kua tali mai iētahi tino, “E vē lava e tautala fakatatau ki ni atua kehe.” Na lea vēnā ki lātou, ona ko Paulo nae folafola e ia e uiga ki a Iehu ma te toetū.

Gāluega 17:32

I te ki lātou lagona atuga o Paulo e tautala e uiga ki te toetū mai te oti, oi fakatauemu ai iētahi tino ki ei, kae ko iētahi tino kua lea vē, “Ko ki mātou e fia toe fakalogo ke tautala mai koe i te mea tēnā.”

Gāluega 18:15

Kae ona ko koutou e fai fīnauga e uiga ki ni kupu ma ni igoa ma tautou lava tūlāfono, e tatau la ke fai lava e koutou he fakaikuga ki ei. E hē faia au ma fakamahino ki nā mea iēnā!”

Gāluega 25:19

Oioti lava te mea na ki lātou taku maia, ko a lātou fefīnauakiga ma tē kua ki lātou mōlia e uiga ki te lātou tāpuakiga ma e uiga ki he tino e igoa ki a Iehu kua oti; kae e lea ia Paulo koi ola.

1 Kolinito 1:18

Auā ko te fekau e uiga ki te mate o Keliho i luga o te hātaulo, e hēai hona uiga ki a te ki lātou e tuku e fakaumatia; kae mo ki tātou e tuku e fakaolagia; ko te mana tēnā o te Atua.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 1:23

Kae ko ki mātou, e ki mātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea;

1 Kolinito 1:25

Auā ko te mea e fōliga ko te valea o te Atua, ko te poto tēnā e hili lele atu i lo te poto o te tagata, ko te mea foki e fōliga ko te vāivai o te Atua, ko te mālohi tēnā e hili lele atu i lo te mālohi o te tagata.

1 Kolinito 15:44

Kāfai e tanu, ko he tino fakatetagata tēnā; kāfai e toe fakatū mai i te oti, ka kavea ma tino fakateagaga. Kāfai e i ei he tino fakatetagata, e tatau foki ke i ei he tino fakateagaga.

1 Kolinito 15:46

E hē ko te fakateagaga te hau muamua, kae ko te fakatetagata, oi hau ai loa te fakateagaga.

1 Kolinito 2:12

E hē ko te agaga o te lalolagi te kua ki mātou maua; kae ko te Agaga na uga mai e te Atua, kae ke mālamalama ai ki mātou i nā mea uma kua fōki mai e te Atua mo ki tātou.

1 Kolinito 3:1

Ko te meamoni, oku uho, e hēki kō mafaia oi tautala atu ki a te koutou e vē oi tautala au ki nā tino kua ia te ki lātou te Agaga; nae tautala atu au ki a te koutou, ko koutou ni tino e o te lalolagi, ni fānau e i loto o te talitonuga faka-Kelihiano.

Iakopo 3:15

Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Iuta 1:19

Ko iēnei nā tino e ki lātou fakatupuagia nā fekehekeheakiga; ni tino e o te lalolagi e hē ia te ki lātou te Agaga o te Atua.