1 Kolinito 2:13 - Tokelauan New Testament

¹³ Ko te mea ia, ko ki mātou e hē tautatala i ni kupu na akoako e te poto fakatetagata, kae tautatala i nā kupu na akoako e te Agaga, i nā taimi e fakamālamalama ai e ki mātou nā meamoni fakateagaga, ki nā tino kua ia te ki lātou te Agaga.

1 Kolinito 2:13 ပူးပေါင်းရင်းမြစ်များ

Luka 12:12

Auā ka fakaako atu koutou e te Agaga Paia, kāfai e pa ki te taimi tēnā, i nā kupu e tatau ke tautatala ai koutou.”

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

1 Kolinito 1:17

E hēki uga maia au e Keliho ke papatiho. Na uga mai au e ia ke folafola te Tala Lelei, ma ke folafola e aunoa ma te fakaaogāgia o te gagana a te poto fakatetagata, kae ke mautinoa ai ko te mate o Keliho i luga o te hātaulo, e hē mafai ke uma tona mālohi.

1 Kolinito 14:2

Ko nā tino e tautatala i nā gagana kehekehe, e hē tautatala ki iētahi tino kae e tautatala ki te Atua, auā e hēai he tino e mālamalama ia te ki lātou. E tautatala i nā meamoni fakalilolilo i te mana o te Agaga.

1 Kolinito 2:1

Oku uho, i toku fanatuga ki a te koutou ke folafola atu te meamoni lilo a te Atua, e hēki kō fakaaogāgia ni kupu loloa pe he mālamalama lahi.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

1 Kolinito 2:4

ma i aku akoakoga ma te tālakiga o te fekau, nae hē kō fakaaogā ni kupu loloto i te poto fakatetagata, kae na tuku lava e au ki te Agaga o te Atua ke fakaali tona mana.

1 Kolinito 9:11

Kāfai na ki mātou totōagia nā mea lelei fakateagaga ia te koutou, e hē fetaui nei kāfai e helehele e ki mātou ni mea ke tauhi ai ki mātou, mai ia te koutou?

Efeho 5:19

Tautala tētahi ki tētahi i nā kupu o te Halamo, i nā pehe lotu ma i nā pehe fakateagaga; pepehe atu i nā vīkiga ki te Aliki ma outou loto kātoatoa.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.