1 Kolinito 16:7 - Tokelauan New Testament

⁷ Ko au e hē fofou ke māfuta ma koutou mo hina taimi pukupuku; ko au e fofou ke mataloa he taimi e māfuta ai au ma koutou, kāfai e finagalo ki ei te Aliki.

1 Kolinito 16:7 ပူးပေါင်းရင်းမြစ်များ

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Loma 1:10

i taimi uma e tatalo ai au. Ko au e tatalo ki te Atua, pe kāfai e tuha ai ma tona finagalo, ke mafai au oi āhiāhi atu ki a te koutou i te taimi nei.

1 Kolinito 4:19

Kae ko au ka fanatu i he taimi lata mai, pe kāfai e finagalo ki ei te Aliki. Ma ka iloa ai e au te meamoni, e hē gata i nā kupu a nā tino fia popoto, kae pe ia te ki lātou moni te mana o te Agaga Paia.

2 Kolinito 1:15

Na mautinoa lelei lava e au te mea tēnei, ma ko te mea ia na fuafua ai e au ke fanatu muamua au ki a te koutou, kae ke fakaluaina ai te lahi o nā fakamanuiaga e maua e koutou, i toku āhiāhi atu fakalua.

Iakopo 4:15

Kae ko koutou e tatau ke lea vē, “Kāfai e tuha ai ma te finagalo o te Aliki, ko ki tātou ka ola ma fai te mea tē ma te mea tē.”