1 Kolinito 16:2 - Tokelauan New Testament

² I nā Aho Hā takitahi uma, e tatau ke tuku kehe e koutou tau tokatahi he tupe, e fua lava ki te tupe a te tino e maua, ma fakaputu, kae ke nahe toe tau aoa ai ni tupe kāfai au e pa atu.

1 Kolinito 16:2 ပူးပေါင်းရင်းမြစ်များ

Maleko 14:8

Kua fai e te fafine te mea e ia mafaia; kua fakauku fakato e ia toku tino mo te tanuga.

Luka 16:10

Ko ai lava e fakamāoni i nā tamā mea, ka fakamāoni foki i nā mea lalahi; ma ko ai lava e hē fakamāoni i nā tamā mea, ka hē fakamāoni foki i nā mea lalahi.

Luka 24:1

I te taeaopō o te aho Hā kua tafa mai ia ata, na olo ai nā fafine ki te tugamau, ma kave nā meamanogi na ki lātou hāunia.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Gāluega 20:7

I te afiafipō o te Aho Tonai, na maopoopo ai ki mātou mo te kaiga fakatahi a te kau Kelihiano. Na tautala ia Paulo ki tagata ma na talatalanoa ai lava ki ei ke pa lava ki te tūlua o pō, ona ko te aho alafaki e tuku e fano kehe ai.

2 Kolinito 8:10

I toku manatu, e hili te fakauma e koutou i te taimi nei, te mea na kāmata e koutou i te tauhaga kua teka. Ko koutou te na muamua, e hē gata i te fakatinoga o te gāluega, kae vēnā foki i te koutou loto naunau ke fai loa.

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.