Kāfai e i ei ni uho Kelihiano e āfāina ona ko nā meakai e kai ai koe, ko tona uiga kua hē fakavaea nā mea a koe e fai i luga o te alofa. Nahe kavea nā mea e kai koe ki ei, ma mea e āfāina lele ai he tino na maliu ia Keliho mo ia!
Ko te alofa la te tatau ke tauhiniō koutou ki ei. Ke naunau outou loto ki nā meaalofa fakateagaga, kae maihe lava te meaalofa tau ki te folafolaga o te fekau mai te Atua.
E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,
E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.
Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.
Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.
Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.
