1 Kolinito 16:13 - Tokelauan New Testament

¹³ Koutou ke mataala, tūmau i te fakatuatua, loto tetele ma fakamākekeke.

1 Kolinito 16:13 ပူးပေါင်းရင်းမြစ်များ

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Mataio 26:41

Tautuku lelei ma tatalo ke nahe maua koutou i ni fakaohoohoga; ko te loto e fofou ki ei, ka ko te tino e vāivai.”

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

Kalatia 5:1

Kua ia te ki tātou te haolotoga — Ko ki tātou kua fakahaoloto e Keliho! Fakamākeke la ma tūmau i te haolotoga, ma ke nahe toe kavea lele koutou ma pologa.

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Efeho 6:10

Ko te toe mea e lea atu ai au, koutou ke fakamākekeke i te māfutaga a koutou ma te Aliki, e ala i tona mana hilihili kehe.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

1 Tehalonia 3:8

auā ko te tutū mālohi o koutou i te hokotaga a koutou ma te Aliki, e vē he mānavaga o he ola fou ki a te ki mātou.

1 Tehalonia 5:6

Ko te mea ia, ko ki tātou e hē tatau ke momoe e vē ko iētahi tino; ko ki tātou e tatau ke āla ma ke hako te māfaufau.

2 Tehalonia 2:15

Ko te mea ia te kau uho, fakamālolohi ma tāofi ki te meamoni na akoako atu e ki mātou, e ala ia mātou kupu ma i ta mātou tuhi.

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 2:1

Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”