1 Kolinito 16:11 - Tokelauan New Testament

¹¹ Nahe tino lele e faikino ki ei, kae e tatau ke fehoahoani koutou ki ei oi fakaauau tana malaga i te fīlēmū, kae ke toe fōki mai ai ki a te au; auā ko au e fakatalitali atu ke toe ōmamai ma iētahi uho Kelihiano.

1 Kolinito 16:11 ပူးပေါင်းရင်းမြစ်များ

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Gāluega 15:3

Kua uga atu ki lātou e nā tino o te Ekalehia; ma ka koi malaga atu ki lātou i loto o Foinike ma Hāmālia, na fakailoa e ki lātou e uiga ki nā tino nukukehe kua liliu ki te Atua; ko te tala tēnei na fakafiafia lahi ai nā tino uma kua talitonu.

Gāluega 15:33

Kua mataloa mālie ho lā taimi i kinā, oi toe uga ai ma te fīlēmū e te kau uho, ma na toe fōki ai ki nā tino na ki lātou ugāgia ki lāua.

1 Kolinito 16:10

Kāfai ia Timoteo e fanatu ki kinā, kikila lelei ifo ki ei ke nahe i ei he mea e fakapopolegia ai, auā ko he tino e galue mo te Aliki, e vē foki lava ko au.

1 Kolinito 16:6

Hōvē pe i na nonofo ki tātou mo he vāitaimi, pe ko te tau mālūlū kātoa, kae ke mafai ke fehoahoani mai koutou ki a te au oi fakaauau taku malaga, pe ko fea lava hētahi mea ka fano au ki ei.

2 Kolinito 1:16

Auā ko taku fuafuaga na fai, ko au e afe atu ke āhiāhi atu ki a te koutou kāfai au e fano ki Maketonia, ma vēnā foki kāfai e toe taliu mai, kae ke fehoahoani mai ai koutou ki taku malaga ki Iutea.

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

3 Ioane 1:6

Na ki lātou fakailoagia ki te Ekalehia i kinei, e uiga ki tō alofa. Fakamolemole fehoahoani ki te fakaauauga o te lātou malaga i he faiga e fiafia ki ei te Atua.