1 Kolinito 16:1 - Tokelauan New Testament

¹ E vē la ki te mea na tuhi mai ai koutou ki he tupe ke hakili ke fehoahoani ki tagata o te Atua i Iutea: e tatau ke koutou faia te mea na fakatonu e au ki nā Ekalehia i Kalatia ke fai.

1 Kolinito 16:1 ပူးပေါင်းရင်းမြစ်များ

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 18:23

Na mataloa malie i kinā, oi fano ai kua kui loto i te kogāfenua o Kalatia ma Fulugia, ma fakamākeke atu ki te kau Kelihiano uma.

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Gāluega 9:41

Kua papae atu ia Petelu oi fehoahoani ki ei ke tū ki luga. Oi kalaga ai ki nā tino kua talitonu ki a Iehu fakatahi ma fafine kua feoti a lātou tāne, ma ia tuku atua ai ki a te ki lātou te fafine kua toe ola mai.

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

1 Kolinito 11:34

Ma kāfai he tino o koutou e fia kaia, e tatau ke kai i te fale, kae ke nahe lavea ai ia i te fakamahinoga a te Atua ka koi maopoopo koutou. Ko iētahi mea, ka fakatonu atu koutou e au kāfai au e pa atu.

1 Kolinito 16:15

E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

Kalatia 1:2

E fakafeiloaki atu te kau uho Kelihiano uma i kinei fakatahi ma au, ki a te koutou nā Ekalehia i Kalatia:

Kalatia 2:10

Oioti lava te mea na lea mai ai, ke manatua ake pea nā tino mātitiva i te lātou vāega, ma ko te mea foki lava tēnei nae fofou au ke kō faia.

Filemoni 1:5

Auā kua fakalogo au ki tō alofa ki tagata o te Atua, ma tō talitonu ki te Aliki ko Iehu.

Filemoni 1:7

Auā ko tō alofa, te uho pele, kua maua ai e au te fiafia lahi ma kua toe fakamālohi ātili mai ki a te au! Kua kē fakafiafiagia ia loto o tagata uma o te Atua.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

1 Ioane 3:17

Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?