1 Kolinito 15:9 - Tokelauan New Testament

⁹ Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

1 Kolinito 15:9 ပူးပေါင်းရင်းမြစ်များ

Gāluega 8:3

Kae ko Haulo nae taumafai lava ke fakahēai te Ekalehia; na fano ki loto o nā fale o tagata takitahi ma toho ki fafo nā tino kua talitonu ki a Iehu, ko taulelea ma fafine, ma fakatonu ke kave oi togi ki te falepuipui.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

2 Kolinito 11:5

E manatu au e hēai lele he mea e hili atu ai nā tino fakapitoa iēnei e takua e koutou “ni apohitolo” i lo au.

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

Kalatia 1:13

Kua fakalogo koutou ki te ōlaga nae ola ai au ka koi i ei au i te tāpuakiga Iutaia, ki aku fakahāuāga nae fai ki te Ekalehia a te Atua, ma aku taumafaiga ke fakauma.

Kalatia 1:23

Na fakalogo oioti ki lātou ki nā tino e lea vē, “Ko te tagata tēnei nae fakahāuā mai ki a te ki tātou, kae nei kua tālaki e ia te talitonuga faka-Kelihiano nae teteke lahi ki ei muamua.”

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.