1 Kolinito 15:57 - Tokelauan New Testament

⁵⁷ Kae fakafetai ki te Atua, na ia tuku maia te manumālō e ala i to tātou Aliki ko Iehu Keliho!

1 Kolinito 15:57 ပူးပေါင်းရင်းမြစ်များ

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 27:35

Kua uma atu tana kupu tēnā, oi tago ai ia Paulo ki ni falaoa, kua fakafetai ki te Atua i mua o ki lātou uma, kua tavaevae ma kāmata oi kai.

Loma 7:25

Tātou fakafetai ki te Atua, tē e ia faia te mea tēnei e ala ia Iehu Keliho! Ko tēnei la te tūlaga e i ei au: ko au e tautua ki te Tūlāfono a te Atua i toku māfaufau oioti, kae e tautua toku natula fakatetagata ki te tūlāfono e iku ki te agahala.

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

1 Kolinito 15:51

Fakalogo ki te mealilo tēnei: ko ki tātou uma e hē feoti, kae kāfai te toe pu e ili, ko ki tātou uma ka hūia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka hūia uma ki tātou.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

2 Kolinito 9:15

Tātou fakafetai ki te Atua ona ko tana meaalofa tāua lahi.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

Epelu 2:14

Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”