1 Kolinito 15:54 - Tokelauan New Testament

⁵⁴ Kāfai la te mea tēnei e tupu, ma kua hūia te mea e fano e pala ki te mea e hē mafai ke pala, oi ka taunuku ai te kupu a te tuhituhiga paia e lea mai: “Ko te oti kua fakatōkilalo; ko te manumālō kua kātoatoa!”

1 Kolinito 15:54 ပူးပေါင်းရင်းမြစ်များ

Luka 20:36

Ka vē ki lātou ko agelu, ma e hē toe oti. Ko ki lātou ko nā fānau ia a te Atua, auā kua toe tutū mai te oti.

Loma 1:23

Kua hē tāpuaki ki te Atua e mamalu ma ola pea lava, kae kua tāpuaki ki nā fakatuha kua fau fōliga ki tagata e hē ola tūmau, pe ko nā manulele, nā manu vaefa pe ko nā manu fetolofi.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 6:12

Ko te agahala e hē tatau ke pule ki outou tino e fano e pala, kae ke uhitaki ai koutou ki nā tuinanauga o koutou.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

2 Kolinito 4:11

I to mātou ōlaga kātoa, e lamatia pea lava o mātou ola ona ko Iehu, kae ke kitea ai tona ōlaga i loto o mātou tino e fano e pala.

2 Kolinito 5:4

Auā kāfai ki mātou koi nonofo lava i te falekie fakatelalolagi tēnei, ko ki mātou e tagi momoko ma te agaga popole; e hē vē ko ki mātou e fofou ke tīaki o mātou tino fakatelalolagi, kae ko ki mātou e fofou ke tuku ifo ki o mātou luga te fale mai te lagi, kae ke līua ai o mātou tino e fano e oti, ke hē toe oti.

2 Tehalonia 1:10

i te Aho e hau ai ke kavatu ki ei nā vīkiga mai tagata uma o ia, ma fakaeke atu ki ei te mamalu mai ia te ki lātou uma kua talitonu. Ko koutou foki ka i ei fakatahi ma ki lātou, ona ko koutou kua talitonu ki te fekau na lea atu ai ki mātou.

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”