1 Kolinito 15:47 - Tokelauan New Testament

⁴⁷ Ko te uluaki Atamu na gaohia i te kelekele, na hau mai te kelekele; ko te lua o Atamu na fanaifo mai te lagi.

1 Kolinito 15:47 ပူးပေါင်းရင်းမြစ်များ

Mataio 1:23

“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).

Luka 2:11

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

Ioane 3:31

Ko tē e fanaifo mai lagi, e hili atu tona tāua i lo tagata uma. Ko tē e hau mai te lalolagi, e o te lalolagi ia, ma e tautala i nā mea o te lalolagi. Ka ko tē e fanaifo mai te lagi, e hilihili lava ia i tagata uma.

Ioane 6:33

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

1 Kolinito 15:46

E hē ko te fakateagaga te hau muamua, kae ko te fakatetagata, oi hau ai loa te fakateagaga.

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.