1 Kolinito 15:44 - Tokelauan New Testament

⁴⁴ Kāfai e tanu, ko he tino fakatetagata tēnā; kāfai e toe fakatū mai i te oti, ka kavea ma tino fakateagaga. Kāfai e i ei he tino fakatetagata, e tatau foki ke i ei he tino fakateagaga.

1 Kolinito 15:44 ပူးပေါင်းရင်းမြစ်များ

Luka 24:31

Oi fātoā fakapupula ai o lā mata, kua ki lā matea ia Iehu; kae kua mou kehe atu, kua hē ki lā kitea.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.