1 Kolinito 15:3 - Tokelauan New Testament

³ Na kō tuku atua ki a te koutou te mea na kō maua, ko te mea ia e pito hili te tāua; ko Keliho na oti mo a tātou agahala, e vē oi tūhia i nā Tuhituhiga Paia;

1 Kolinito 15:3 ပူးပေါင်းရင်းမြစ်များ

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Luka 24:25

Oi vāgana atu ai ia Iehu ki a te ki lāua, “Kai koutou te vālelea ma tuai talitonu ki nā mea uma na lea ai te kau pelofeta!

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Gāluega 17:2

Na fano ia Paulo ki te hūnako, e vē lava ko tana māhani. I kinā, e tolu ia Hāpati nae talatalanoa ai ma tagata ma na hiki mai e ia ni kupu mai nā Tuhituhiga Paia,

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Gāluega 8:32

Ko te vāega o te tuhituhiga paia nae faitau e te eunuka, e vēnei: “E vē he māmoe e kave ke tāmate; e vē he punuamāmoe e fakalologo i te taimi e hele ai ona fulufulu; e hēki vaivaia lele.

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Loma 4:25

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 11:23

Auā ko nā akoakoga na kō kavatua ki a te koutou, na tuku mai e te Aliki ki a te au: i te pō na fakalata ai te Aliki ko Iehu, na tago ai ki he falaoa,

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 1:12

E hēki maua e au mai tagata, pe na akoako mai e ni tino ki a te au. Na maua e au i te fakailoa maiga o Iehu Keliho ki a te au.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Epelu 5:1

Ko nā Ulu Ohitāulaga takitahi uma e filifili mai i tagata, ma tōfia ke fai ma o lātou hui ke tautua ki te Atua, ma ofo atua nā meaalofa ma nā tāulaga mo a lātou agahala.

Epelu 5:3

Ona la ko tona vāivai, e tatau ai ke ohi atu e ia he tāulaga, e hē gata mo agahala a tagata, kae vēnā foki mo ana ia lava agahala.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,