1 Kolinito 15:20 - Tokelauan New Testament

²⁰ Kae ko te meamoni, ko Keliho kua toe fakatū mai te oti, ko te tino muamua ia kua pa ki he mea vēnei, ke fai ma fakamāoniga ki a te ki lātou kua momoe atu, ko ki lātou ka toe fakatutū mai te oti.

1 Kolinito 15:20 ပူးပေါင်းရင်းမြစ်များ

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 26:23

ko te Mehia e tatau lava ke oti, ma ke kavea ia ko te tino muamua ia e toe tū mai te oti, ke fakailoa e ia te mālamalama o te fakaolataga ki tagata Iutaia ma tagata nukukehe.”

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Kolinito 15:6

Oi fakakitea ai i te taimi lava e tahi ki nā tino e lima helau ma ona tupu nae mulimuli ki a te ia, ko te tokalahi o ki lātou iēnei koi ola mai, e ui kua oti iētahi.

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 14:13

Oi kō lagona atu ai he leo mai te lagi e lea vē, “Tuhi te mea tēnei ki lalo: Amutia nā tino e oti i luga o te gāluega a te Aliki, kāmata atu nei!” “Io,” kua vāgana te Agaga, “Ka fakamapu ki lātou mai a lātou gāluega, auā e mulimuli lava ki a te ki lātou te ikuga o a lātou gāluega.”