1 Kolinito 15:2 - Tokelauan New Testament

² Ko tēnā te Tala Lelei, te fekau kua folafola atu e au ki a te koutou. Ko koutou e fakaola e te Tala Lelei pe kāfai koutou e pipiki mau ki ei — vaganā ai la e hēai he uiga o te koutou talitonu.

1 Kolinito 15:2 ပူးပေါင်းရင်းမြစ်များ

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

Gāluega 8:13

Ko Himona foki na talitonu; ma i te umaga o te papatihoga o ia, oi mulimuli ai lava ki a Filipo, ma na ofo lele i te ia kiteaga o nā mea ofoofogia ma nā vāvega nae fai.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Loma 11:22

E ki tātou kiteagia i kinei te agalelei ma te fakahāuā o te Atua. E fakahāuā ki a te ki lātou kua pakukū ki te agahala, kae agalelei ki a te koutou — pe kāfai e tūmau pea koutou i tona alofa. Kae kāfai e hēai, ko koutou foki la ka tagau kehe.

1 Kolinito 1:18

Auā ko te fekau e uiga ki te mate o Keliho i luga o te hātaulo, e hēai hona uiga ki a te ki lātou e tuku e fakaumatia; kae mo ki tātou e tuku e fakaolagia; ko te mana tēnā o te Atua.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 15:14

ma kāfai ia Keliho e hēki toe fakatū mai i te oti, ko tona uiga e hē aogā ta mātou tālakiga ma e hēai he mea e talitonu koutou ki ei.

2 Kolinito 2:15

Auā ko ki mātou e vē ko he meamanogi manaia kua ofo atu e Keliho ki te Atua, e fakahalalau ki a te ki lātou e fakaolagia ma ki lātou e hē fakaolagia.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 3:4

Ko nā mea uma nei na pa koutou ki ei, e hēai lele he aogā? E hēai moni nei lava he uiga?

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

2 Tehalonia 2:15

Ko te mea ia te kau uho, fakamālolohi ma tāofi ki te meamoni na akoako atu e ki mātou, e ala ia mātou kupu ma i ta mātou tuhi.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

Epelu 10:23

Tātou tāofi mau ki te fakamoemoe kua folafola e ki tātou, auā e ki tātou mautinoa ko te Atua e tauhi ki tana folafolaga.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Iakopo 2:14

Te kau uho, he ā nei te aogā pe kāfai he tino o koutou e lea ko ia e fakatuatua, kae e hēai ni fakatinoga ke fakamāonia ai? E mafai nei e te fakatuatua tēnā ke fakaola e ia te tino tēnei?

Iakopo 2:17

E vēnā foki la te fakatuatua; kāfai e nā ko te fakatuatua oioti kae hēai ni gāluega, e hēai he aogā.

Iakopo 2:26

Ko te tino e hē mānava kua mate, ma e vēnā foki te fakatuatua e aunoa ma ni gāluega, kua mate.