1 Kolinito 15:17 - Tokelauan New Testament

¹⁷ Ma kāfai ia Keliho e hēki fakatūa, tona uiga ko te koutou fakatuatua e māumau ma ko koutou koi nonofo lava i te agahala.

1 Kolinito 15:17 ပူးပေါင်းရင်းမြစ်များ

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

Loma 4:25

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

Loma 5:10

Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

1 Kolinito 15:14

ma kāfai ia Keliho e hēki toe fakatū mai i te oti, ko tona uiga e hē aogā ta mātou tālakiga ma e hēai he mea e talitonu koutou ki ei.

1 Kolinito 15:16

Auā kāfai nā tino oti e hē fakatutūa, e hēki fakatūa foki la ia Keliho.

1 Kolinito 15:2

Ko tēnā te Tala Lelei, te fekau kua folafola atu e au ki a te koutou. Ko koutou e fakaola e te Tala Lelei pe kāfai koutou e pipiki mau ki ei — vaganā ai la e hēai he uiga o te koutou talitonu.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,