1 Kolinito 15:10 - Tokelauan New Testament

¹⁰ Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 15:10 ပူးပေါင်းရင်းမြစ်များ

Mataio 10:20

Auā e hē ko koutou te ka tautatala, ka ko te Agaga o te koutou Tamana e tautala, kui atu ia te koutou.

Mataio 25:16

Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima.

Loma 11:1

Ko taku fehili: Na teteke nei e te Atua ona lava tagata? E hēai! Ko au foki ko he Ihalaelu, he lāpuna e o Apelaamo, mai te puikāiga o Peniamina.

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

1 Kolinito 15:11

Ko te mea ia, pe na fanatu ia te au pe na hau ia te ki lātou, ko te mea tēnei e folafola e ki mātou uma, ma ko tēnei te mea e talitonu koutou ki ei.

1 Kolinito 15:2

Ko tēnā te Tala Lelei, te fekau kua folafola atu e au ki a te koutou. Ko koutou e fakaola e te Tala Lelei pe kāfai koutou e pipiki mau ki ei — vaganā ai la e hēai he uiga o te koutou talitonu.

1 Kolinito 3:10

Ona ko te meaalofa na fōki mai e te Atua ki a te au, na fai ai e au te gāluega a he tino poto fau fale ma fakatū te fakavae, ma fau fakaopoopo ai e hētahi tino ki luga. Kae ko nā tino tau tokatahi e tatau ke fakaeteete i tana fau fakaopoopo e fai ki ei.

1 Kolinito 3:6

Na totō e au te fatu, na fakahūhū e Apolo, kae ko te Atua te na ia fakaola te lākau.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 2:8

Auā ko te mana o te Atua te na kavea ai au ma apohitolo mo tagata nukukehe, e vē foki lava ona kavea ia Petelu ma apohitolo mo tagata Iutaia.

Filipi 2:13

auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

1 Tehalonia 5:12

Ko ki mātou e fakatagi atu ki a te koutou, te kau uho, ko koutou ke āva ki nā tino e gālulue mo koutou, ki lātou iēnā e takitakia ma akoakoa koutou i te ōlaga faka-Kelihiano.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.