1 Kolinito 14:6 - Tokelauan New Testament

⁶ Te kau uho, kāfai au e fanatu ma tautala i nā gagana kehekehe ki a te koutou, he ā nei te aogā o au ki a te koutou? E hēai lele he aogā, vaganā ai e kō kavatua ki a te koutou ni fakaaliga mai te Atua, pe ni itūkāigā mālamalama, pe ni fekau mai te Atua, pe ni akoakoga.

1 Kolinito 14:6 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 16:26

He ā nei te aogā kāfai e maua e he tino te lalolagi kātoa kae māumau ai tona ola? Pe he ā foki he mea e mafai e he tino ke fōki kae ke toe ia maua ai tona ola?

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

1 Kolinito 10:33

Fakatakitaki oioti ki nā mea e kō faia; e taumafai lava au ke fakamaliegia ia tagata uma i nā mea e kō faia, e aunoa ma he manatu ki he lelei mo oku lava, ka ko he lelei mo tagata uma, kae ke fakaola ai ki lātou.

1 Kolinito 14:1

Ko te alofa la te tatau ke tauhiniō koutou ki ei. Ke naunau outou loto ki nā meaalofa fakateagaga, kae maihe lava te meaalofa tau ki te folafolaga o te fekau mai te Atua.

1 Kolinito 14:7

Mo he fakatakitakiga, ko nā lākau fai pehe e vē ko te fagufagu pe ko te kītala e hēai he ola — e vēhea oi iloa e he tino te fati o te pehe e ta, pe kāfai e hē manino lelei te tagi o nā nota?

2 Kolinito 11:6

E ui lava ko taku tautala e hē matuā lelei e vē ko ki lātou, kae e hē vēake ai ka hili atu to lātou popoto i lo au; kua uma lava te ki mātou fakamālamalama lelei atua o nā mea uma lele ki a te koutou.

2 Kolinito 12:1

Ko au e tatau ke fāfia, e ui lava e hēai hona aogā. Kae ko au ka tautala atu e uiga ki nā mea na fakailoa mai e te Aliki ki a te au, e ala i ni miti ma ni fakaaliga.

2 Kolinito 12:7

Kae ke tāofiofi ai au ke nahe hona mimita ona ko te lahi o nā mea mānanaia na kitea e au, na tuku mai ai ki toku tino he tauale tīgāina, ke galue e vē he kavefekau e a Hātani, ke fai ma fakahoehā ma ke nahe hona fiafia ai au.

Efeho 1:17

ma ko au e fakatoga ki te Atua o to tātou Aliki ko Iehu Keliho, te Tamana e uiga kehe tona mamalu, ke fōki atu ki a te koutou te Agaga, tē ka maua ai e koutou te mālamalama, ma fakailoa atua ki a te koutou te Atua, kae ke koutou iloa ai ia.

Efeho 3:4

Kāfai e faitau koutou ki te mea kua tuhi atu ai au, oi ka iloa ai e koutou e uiga ki toku mālamalama ki te mealilo e uiga ki a Keliho.

Filipi 3:15

Ko ki tātou uma kua mātutua i te fakateagaga, e tatau ke tutuha o tātou manatu. Kae kāfai e i ei ni tino o koutou e kehe o lātou manatu, ka fakamālamalama atu e te Atua ki a te koutou.

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

2 Timoteo 3:16

Ko nā Tuhituhiga Paia uma e mai te Atua, ma e aogā ke akoakoga ai, ke akoaki ai, ke fakatonu ai, ma ke fakapoto ai i te āmiotonu,

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

2 Petelu 1:5

Ko te mea ia e tatau ai koutou ke taumafai ki te mea e gata mai ai te koutou mafai ke fakaopoopo te āmio lelei ki te koutou fakatuatua; ki te āmio lelei fakaopoopo ki ei te mālamalama e uiga ki te mea e fiafia ki ei te Atua;

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.