1 Kolinito 14:4 - Tokelauan New Testament

⁴ Ko nā tino e tautatala i nā gagana kehekehe, e fehoahoani oioti ki a te ki lātou lava, ka ko nā tino e ki lātou folafola te fekau mai te Atua, e fehoahoani ki te Ekalehia kātoa.

1 Kolinito 14:4 ပူးပေါင်းရင်းမြစ်များ

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 14:12

Ona ko koutou e naunau ke koutou maua nā meaalofa mai te Agaga, e tatau ai koutou ke taumafai ke fakaaogā lahi atu nā meaalofa e fehoahoani ki te atiakega o te Ekalehia.

1 Kolinito 14:22

Ko te mea ia, ko te meaalofa ko te tautala i gagana kehekehe, ko he fakamāoniga tēnā mo tagata e hē talitonu, kae e hē mo tagata e talitonu; ma ko te meaalofa ko te folafola o te fekau a te Atua, ko he fakamāoniga tēnā mo tagata e talitonu, kae e hē mo tagata e hē talitonu.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

1 Kolinito 14:3

Kae ko nā tino e ki lātou folafola te fekau mai te Atua, e tautatala ki tagata ma kavatu ki ei te fehoahoani, te fakamālohi, ma te fakamāfanafana.

1 Kolinito 14:5

Ko au e fofou ko koutou uma ke tautatala i nā gagana kehekehe; kae e hili atu toku fofou ke ia te koutou te meaalofa ko te folafolaga o te fekau mai te Atua. Auā ko te tino e ia folafola te fekau mai te Atua, e hili atu tona tāua i lo he tino e tautala i nā gagana kehekehe — vaganā e i ei he tino i te taimi tēnā, e ia mafaia oi fakamatala nā mea e tautala ai, kae ke mālamalama ai te Ekalehia kātoa.