1 Kolinito 14:3 - Tokelauan New Testament

³ Kae ko nā tino e ki lātou folafola te fekau mai te Atua, e tautatala ki tagata ma kavatu ki ei te fehoahoani, te fakamālohi, ma te fakamāfanafana.

1 Kolinito 14:3 ပူးပေါင်းရင်းမြစ်များ

Luka 3:18

E lahi iētahi auala nae tālaki atu ai e Ioane te Tala Lelei ki tagata, ma fakamālohi atu ki a te ki lātou, ke hui o lātou ōlaga.

Gāluega 13:15

Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

Loma 15:2

E tatau ke fai e ki tātou uma nā mea ke fiafia ai iētahi kua talitonu ki te Atua, kae ke kavea ma mea e mālohi ātili ai to lātou fakatuatua.

1 Kolinito 10:23

E lea nā tino, “E taga ki tātou ke fai ho he mea.” Io e hako, kae e hē vēakē ko mea uma e lelei. “E taga ki tātou ke fai ho he mea” — kae e hē ko mea uma e fehoahoani ke ati ake ai.

1 Kolinito 14:12

Ona ko koutou e naunau ke koutou maua nā meaalofa mai te Agaga, e tatau ai koutou ke taumafai ke fakaaogā lahi atu nā meaalofa e fehoahoani ki te atiakega o te Ekalehia.

1 Kolinito 14:17

E tuha lava pe he ā te lelei o tau tatalo fakafetai ki te Atua, kae e hēai lele he fehoahoani e maua e iētahi tino.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

1 Kolinito 14:31

E mafai e koutou uma oi folafola te fekau a te Atua fakaholo tau tokatahi, kae ke iloa uma ai e koutou ma fakamākekeke ai.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

2 Kolinito 1:4

E fehoahoani mai ia ki nā puapuagā uma o ki māua, ke mafai ai e ki māua oi fehoahoani ki iētahi tino e maua i te lahi o itūkāigā puapuagā kehekehe, e ala i te fehoahoani kua ki mā maua mai i te Atua.

2 Kolinito 2:7

Ma, i te taimi nei, kua tatau ke koutou fakamāgaloa ma fakamālohi ki ei, kae ke nahe fakavāivai ai ona ko te mafatia lahi o tona loto.

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 6:22

Ko te mea ia kua uga atu ai e au ki a te koutou — ke fakailoa atu te tūlaga e i ei ki mātou uma i kinei, ma ke fakamālohi atu ki outou loto.

Kolohe 4:8

Ko te mea ia kua kō uga atua ai ki a te koutou, kae ke fai ma mea e fakamālohi atu ai ki a te koutou, e ala i nā tala ki te tūlaga e i ei ki mātou.

1 Tehalonia 2:11

E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau.

1 Tehalonia 2:3

Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Tehalonia 4:18

Ko te mea la ia e tatau ai koutou ke fakamākeke tētahi ki tētahi, i nā kupu iēnei.

2 Tehalonia 3:12

I te igoa o te Aliki ko Iehu Keliho e fakatonu atu ai e ki mātou nā tino vēnei ma fakamālohi atu ki ei, ke fai fakalelei o lātou ōlaga ma ke gālulue ke ola ai lava ki lātou ia lātou gāluega.

1 Timoteo 1:4

Fakatonu ki ei ke tīaki a lātou tala fāgogo mai te vavau, ma nā gafa loloa o nā tupuna o ki lātou. Ko nā mea iēnā e tutupu ai nā fīnauga, ma e hē fehoahoani ki te fakatinoga o fuafuaga a te Atua, iēia e fātoā iloa oi oti kāfai te tino e talitonu ki a Keliho.

1 Timoteo 4:13

Ka ko hēki fanatu au, ke mautinoa e faitau e koe nā Tuhituhiga Paia ki tagata, ma lāuga ma akoako atu ki a te ki lātou.

1 Timoteo 6:2

Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 1:9

E tatau ke tāofi mau e ia te kupu moni e vē ona akoakogia ai ia, kae ke ia mafaia oi fakaako ia tagata i te talitonuga moni ma fakailoa te hehē o nā tino e teteke ki ei.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 2:6

Ke vēnā foki oi fakamālohi ki taulelea talavou ke ola pūlea.

Tito 2:9

Fakatonu nā pologa ke uhitaki ki o lātou matai ma ke fai e ki lātou nā mea e fakafiafia ai. E hē tatau ki lātou ke talitali ki o lātou matai,

Epelu 10:25

Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Epelu 3:13

E tatau koutou ke fakamālohi tētahi ki tētahi i aho takitahi, kae ke nahe i ei ai he tino o koutou e fakahehēgia e te agahala ma maua ai i te loto makaka. Kāfai te kupu “Aho nei” e vē oi tākua i te tuhituhiga paia e fakaaga ki a te ki tātou, e tatau la ke fai pea lava tēnei mea e tētahi ki tētahi.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,