1 Kolinito 14:2 - Tokelauan New Testament

² Ko nā tino e tautatala i nā gagana kehekehe, e hē tautatala ki iētahi tino kae e tautatala ki te Atua, auā e hēai he tino e mālamalama ia te ki lātou. E tautatala i nā meamoni fakalilolilo i te mana o te Agaga.

1 Kolinito 14:2 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Maleko 4:11

Kua tali atu ia Iehu ki a te ki lātou, “Kua uma te fakailoa atu ki a te koutou te mealilo e uiga ki te Mālō o te Atua, kae ko iētahi tino, e iloa oioti e ki lātou nā mea uma e ala i nā talafakatuha

Gāluega 10:46

Auā kua ki lātou lagona atu kua tautala i ni gagana kehe, ma viviki ake ki te hilihili kehe o te Atua. Kua lea vē atu ia Petelu;

Gāluega 19:6

Na fakaeke atu nā lima o Paulo ki o lātou luga, oi afio ifo ai te Agaga Paia ki o lātou luga; na tautatala ki lātou i nā gagana kehekehe, ma folafola atu e ki lātou te fekau a te Atua.

Gāluega 22:9

Na kitea e nā taulelea nae malaga fakatahi ki mātou te mālamalama, kae e hēki ki lātou lagona te leo o te tino na tautala mai ki a te au.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 14:16

Kāfai koe e fakafetai ki te Atua i te agaga oioti, e vēhea ona lea he tino kehe e i ei fakatahi i te māfutaga, “Amene” ki te fakaikuga o tau tatalo fakafetai, kāfai e hē mālamalama i au kupu e tautala ai koe?

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

1 Kolinito 15:51

Fakalogo ki te mealilo tēnei: ko ki tātou uma e hē feoti, kae kāfai te toe pu e ili, ko ki tātou uma ka hūia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka hūia uma ki tātou.

1 Kolinito 2:10

Auā kua fakailoa mai e te Atua tana mealilo ki a te ki mātou e ala i tona Agaga. Ko te Agaga e hākilikili ki nā mea uma, ke pa lava ki te lolotoga o fuafuaga a te Atua.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

Efeho 6:19

Tatalo foki mo oku, ke tuku mai e te Atua ki a te au he fekau kāfai au kua lava hāuni ke tautala, kae ke tautala ai au e aunoa ma he mataku, ke fakailoa ki tagata te mea lilo e uiga ki te Tala Lelei.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Timoteo 3:9

e tatau ki lātou ke pipiki mau ki te meamoni kua fakaalia e uiga ki te talitonuga, ma te lotofuatia e mamā.

Fakaaliga 10:7

Kāfai e pa ki te taimi e ili ai e te agelu tona fitu tana pu, oi ka fakatino ai loa e te Atua tana fuafuaga lilo, e vē ko te fakailoaga e ia ki ana kaukauna, te kau pelofeta.”