1 Kolinito 14:16 - Tokelauan New Testament

¹⁶ Kāfai koe e fakafetai ki te Atua i te agaga oioti, e vēhea ona lea he tino kehe e i ei fakatahi i te māfutaga, “Amene” ki te fakaikuga o tau tatalo fakafetai, kāfai e hē mālamalama i au kupu e tautala ai koe?

1 Kolinito 14:16 ပူးပေါင်းရင်းမြစ်များ

Mataio 15:36

Oi tago ai ki nā falaoa e fitu ma nā ika, kua fakafetai ki te Atua, oi tavaevae ai e ia ma foki ki ona hoko; oi fakahoa ai e te kau hoko ki te kaifenua.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Maleko 16:20

Oi olo ai nā hoko oi tālaki atu te Tala Lelei ki nā itū uma o te lalolagi; nae gālulue fakatahi foki ki lātou ma te Aliki, ma na fakamāonia te moni o ta lātou tālakiga i nā vāvega nae ki lātou faia.] [

Ioane 21:25

Kae e lahi iētahi mea na fai e Iehu. Anei e tuhituhi uma ki lalo nā mea iēnei, hōvē ei na hē ofi te lalolagi kātoa i nā tuhi e fakamaumau ai.

Ioane 7:15

Na ofo lele nā takitaki o Iutaia ma lea vē, “E vēhea ona iloa e te tagata nei te lahi o nā mea iēnei, kae ko he tino e hēki pa lele ki ni akoakoga?”

Gāluega 4:13

Na ofo nā tino o te Taupulega ki nā fakamatalaga a Petelu ma Ioane ona ko te hē mātataku, kae maihe lava i te ki lātou iloaga ko te toka lua tēnei e hē ni tino e lauiloa pe na akoakogia. Oi hāfia ai e ki lātou ko te toka lua tēnei nae ni hoa e o Iehu.

1 Kolinito 11:24

kua fakafetai ki te Atua, oi tavaevae ai ma lea vē atu, “Ko toku tino tēnei, kua hāunia mo koutou. Fai te mea tēnei e koutou, ke fai ma fakamanatuga ki a te au.”

1 Kolinito 14:14

Auā kāfai au e tatalo i he gagana kehe, ko toku agaga e tatalo ka ko toku māfaufau e hē i ei.

1 Kolinito 14:2

Ko nā tino e tautatala i nā gagana kehekehe, e hē tautatala ki iētahi tino kae e tautatala ki te Atua, auā e hēai he tino e mālamalama ia te ki lātou. E tautatala i nā meamoni fakalilolilo i te mana o te Agaga.

1 Kolinito 16:24

Ko toku alofa e ia te koutou uma e ala ia Keliho Iehu. Amene.

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

Fakaaliga 22:20

Ko tē kua fai ma molimau ki nā mea uma iēnei e lea vē, “E moni lava! Ko au kua tāli fanatu!” Ke vēnā lava ona fai. Te Aliki ko Iehu, keina hau loa ko!

Fakaaliga 5:14

Na tali mai nā meaola e fa, “Amene!” Oi fakapakukū ai nā toeaina ki lalo ma ifo atu ki te Atua ma te Punuamāmoe.

Fakaaliga 7:12

ma lea vē, “Amene! Ke i to tātou Atua te vīkiga, te mamalu, te poto, te fakafetai, te fakaaloalo, te mālohi ma te mana ke pa lava ki te fakavavau, Amene!”