1 Kolinito 14:13 - Tokelauan New Testament

¹³ Ko te tino la e tautala i nā gagana kehekehe, e tatau ke tatalo mo te mana ke fakamatala ai nā kupu e tautala ai.

1 Kolinito 14:13 ပူးပေါင်းရင်းမြစ်များ

Maleko 11:24

Ko te mea ia e lea atu ai au ki a te koutou: Kāfai koutou e tatalo ma gogō atu ki he mea, talitonu kua maua e koutou, oi ka fōki atu ai ki a te koutou ho he mea lava e gogō atu koutou ki ei.

Gāluega 1:14

Nae maopoopo ho ki lātou oi tatalo fakatahi, ma nae i ei ai ma nā fafine vēnā ma Malia te mātua o Iehu ma nā uho o Iehu.

Gāluega 8:15

Kua taunuku atu ki lāua, oi tatalo ai ke maua te Agaga Paia e nā tino kua talitonu.

1 Kolinito 12:10

E fōki e te Agaga ki tētahi tino te mana ke fai ai nā vāvega; ki tētahi te folafolaga o te fekau a te Atua; ma ki tētahi te mālamalama e ia iloa ai te kehekehega o nā meaalofa e kaumai e te Agaga, ma nā meaalofa e hē mai ia te ia. Ki tētahi tino e fōki ki ei te poto ke tautala ai i nā gagana kehekehe, ma ki tētahi, e fōki ki ei te poto ke fakamatala ai nā mea e tautatala ai.

1 Kolinito 12:30

pe fakamālōlō ai ni tauale pe tautatala ai i ni gagana kehekehe pe fakamatala ai ni mea kua uma te tautatala ai.

1 Kolinito 14:12

Ona ko koutou e naunau ke koutou maua nā meaalofa mai te Agaga, e tatau ai koutou ke taumafai ke fakaaogā lahi atu nā meaalofa e fehoahoani ki te atiakega o te Ekalehia.

1 Kolinito 14:14

Auā kāfai au e tatalo i he gagana kehe, ko toku agaga e tatalo ka ko toku māfaufau e hē i ei.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.