1 Kolinito 13:4 - Tokelauan New Testament

⁴ Ko te alofa e onohai ma agalelei; e hē fuā pe fakamaualuga pe fāfia;

1 Kolinito 13:4 ပူးပေါင်းရင်းမြစ်များ

Mataio 27:18

Auā kua ia iloa lelei lava ko te lotokino o nā takitaki o tagata Iutaia, na ki lātou kavakea ai ia Iehu ki a te ia.

Gāluega 7:9

“Na maua nā ataliki o Iakopo i te lotokino ki to lātou taina ko Iohefa, oi fakatau atu ai e ki lātou ke fai ma pologa i Aikupito. Kae nae fakatahi pea te Atua ma Iohefa,

Loma 1:29

Kua tumu ki lātou i ho he itūkāigā uiga hē lelei, ko te āmio kino, ko te manako lahi ma te fai o nā āmio mātagā; e tumu i te loto kino, te tāmate tino, te tauaimiha, te talapepelo ma te tau fakakino. E faitatala

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

1 Kolinito 4:18

Ko iētahi o koutou kua fia popoto, ona nae hē manatu koutou ko au e āhiāhi atu ki a te koutou.

1 Kolinito 4:6

Ko nā mea uma iēnei oku uho, kua uma te fai e ki māua ma Apolo, ke fakafaigofie ai mo koutou. Kua kavea to mā toka lua ma fakatakitakiga, kae ke mālamalama ai koutou i te uiga o te fakakupuga e vē mai, “Fakamamalu nā tūlāfono moni.” Nahe i ei lele he tino o koutou e fiafia ki tētahi tino, kae inoino ki tētahi.

1 Kolinito 5:2

E vēhea ake la ona fāfifia koutou! E hē tatau nei koutou ke māhiahi? Ko te tino kua ia faia te tēnei mea, e tatau ke tuli kehe ma te koutou maopoopoga.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Efeho 4:32

Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.

Filipi 1:15

E hako e i ei nā tino e tālaki e ki lātou e uiga ki a Keliho ona e loto kino ma teteke mai ki a te au, kae e i ei foki iētahi e tālaki e ki lātou i te agaga moni

Kolohe 1:11

Koutou ke fakamākekeke i te mālohi kātoatoa mai tona mana, kae ke mafai ai e koutou oi talia nā mea uma ma te onohai. Ma i te agaga fiafia, hiki ake te fakafetai ki te Tamana, tē kua ia hāuniagia koutou ke maua he koutou vāega o te tofi kua uma te fakailoga e te Atua mo ona tagata, i te mālō o te mālamalama.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

1 Timoteo 6:4

kua fefete i te fāfia kae e hē ia iloa he mea e fokotahi. E fiafia oi fakavevehi ma fai fīnauga ki te uiga o nā kupu, ma fakatupu ai te lotokino, te tauaimiha, te tau fakakino, te māhalohalo kino,

2 Timoteo 2:25

e fakatonu mālie atu ki nā tino e fīnau mai. Ka ono tuku atu e te Atua ki a te ki lātou te avanoa ke halamō ai, ma ki lātou iloa ai te meamoni,

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

1 Petelu 3:8

Ko te toe mea e lea atu ai au: ko koutou uma lele e tatau ke tutuha outou manatu ma outou lagona; alofa tētahi ki tētahi e vē ni tuagane ma ni tuafafine, ma ke agalelei ma loto maulalo tētahi ki tētahi.

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Petelu 1:7

ki te mataku i te Atua, fakaopoopo ki ei te alofa faka-Kelihiano; ki te alofa faka-Kelihiano, fakaopoopo ki ei te alofa ki tagata uma.

1 Ioane 4:11

Te kau uho pele, kāfai e vēnei te alofa o te Atua ki a te ki tātou, e tatau la ki tātou ke alofa tētahi ki tētahi.