1 Kolinito 13:2 - Tokelauan New Testament

² Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 13:2 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Mataio 21:19

Kua ia kitea atu he mati i tafa o te auala, oi fano ai ki ei; kae kua nā ko nā lau oioti te i ei. Oi lea vē ai ki te lākau, “Ko koe e hē toe fua lele.” I te taimi lava tēnā na mamago ai ma mate te mati.

Mataio 21:21

Kae kua tali atu ia Iehu, “E lea atu au ki a te koutou, kāfai koutou e talitonu ma hē māhalohalo, e mafai e koutou oi fai te mea na fai e au ki te mati. E hē gata i tēnā, e mafai foki e koutou oi lea atu ki te mauga tēnei, ‘Fakamahiki ma togi ki loto o te tai,’ ma ka vēnā lava ona fai.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

Loma 16:25

Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

1 Kolinito 11:4

Ko te mea ia, ho he tamāloa e tatalo pe ia folafolagia te fekau a te Atua i he tāpuakiga kae tatao tona ulu, kua ia takuvaleagia tona ulu, ko Keliho tēnā.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

1 Kolinito 13:3

Kāfai e fōki e au aku mea uma mā iētahi tino, ma tuku atu e au toku tino ke huhunu — kae hē ia te au te alofa, e hēai he aogā o tēnei mea mo au.

1 Kolinito 13:8

Ko te alofa e fakavavau. E i ei te mana e folafola ai te fekau mai te Atua, kae e hē tūmau; e i ei te mana e tautatala ai i nā gagana kehekehe, kae e fano e uma; e i ei te mālamalama, kae e fano e mavae.

1 Kolinito 14:29

E tatau ke tautatala he toka lua pe he toka tolu kua fōki ki ei te fekau a te Atua, kae fuafua tatau e iētahi tino nā mea e lea ai ki lātou.

1 Kolinito 14:39

Ko te mea ia te kau uho, ke naunau outou loto ki te folafolaga o te fekau a te Atua, kae nahe fakahā te tautala i nā gagana kehekehe.

1 Kolinito 14:4

Ko nā tino e tautatala i nā gagana kehekehe, e fehoahoani oioti ki a te ki lātou lava, ka ko nā tino e ki lātou folafola te fekau mai te Atua, e fehoahoani ki te Ekalehia kātoa.

1 Kolinito 15:51

Fakalogo ki te mealilo tēnei: ko ki tātou uma e hē feoti, kae kāfai te toe pu e ili, ko ki tātou uma ka hūia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka hūia uma ki tātou.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 7:19

Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

1 Kolinito 8:4

Ko te mea ia, e vē ki te kakai ki nā meakai kua ofo mo nā tupua; e ki tātou iloa ko te tupua e hēai hona ola; e ki tātou iloa e fokotahi oioti lava te Atua.

2 Kolinito 12:11

Ko au e vē he vale i aku mea e fai — kae ko koutou te kua māfua ai oi vēnei au, ona na tatau lava ke fakailoa e koutou kua koutou talia au. Auā e tuha lava pe ko au he tino e hēai he aogā, e hēai lele he mea e hili atu ai nā tino fakapitoa iēnei e takua e koutou ni “apohitolo,” i lo au.

Kalatia 5:16

Ko te mea e lea atu ai au ko tēnei: tuku ki te Agaga ke ia takitakiagia outou ōlaga, oi hē fakamaliea ai e koutou te natula fakatetagata.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Efeho 3:4

Kāfai e faitau koutou ki te mea kua tuhi atu ai au, oi ka iloa ai e koutou e uiga ki toku mālamalama ki te mealilo e uiga ki a Keliho.

Efeho 6:19

Tatalo foki mo oku, ke tuku mai e te Atua ki a te au he fekau kāfai au kua lava hāuni ke tautala, kae ke tautala ai au e aunoa ma he mataku, ke fakailoa ki tagata te mea lilo e uiga ki te Tala Lelei.

Kolohe 1:26

ko te mealilo tēnā nae ia mumunia mai augā tupulaga mai te kāloā, kae nei kua fakailoa mai e ia ki ona tagata.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Ioane 4:8

Ko nā tino e hē alolofa e hē ki lātou iloa te Atua, auā ko te Atua ko te alofa.