1 Kolinito 12:31 - Tokelauan New Testament

³¹ Ko te mea ia, ke naunau outou loto ki nā meaalofa e hili atu te tāua. Ko te mea e hili te lelei, ka fakahino atu e au i te auala tēnei.

1 Kolinito 12:31 ပူးပေါင်းရင်းမြစ်များ

Mataio 5:6

Amutia nā tino e fakahilihili i o lātou loto te fakatinoga o nā mea e fofou ki ei te Atua; auā ka fakamaliegia kātoatoa ki lātou e te Atua!

Luka 10:42

kae e fokotahi oioti lava te mea e manakomia. Kua filifilia e Malia te mea e lelei, ma ka hē toe kave kehea lele mai ia te ia.”

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

1 Kolinito 14:1

Ko te alofa la te tatau ke tauhiniō koutou ki ei. Ke naunau outou loto ki nā meaalofa fakateagaga, kae maihe lava te meaalofa tau ki te folafolaga o te fekau mai te Atua.

1 Kolinito 14:39

Ko te mea ia te kau uho, ke naunau outou loto ki te folafolaga o te fekau a te Atua, kae nahe fakahā te tautala i nā gagana kehekehe.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.