1 Kolinito 12:3 - Tokelauan New Testament

³ Ko te mea ia, ko au e fofou ke koutou iloa e hēai he tino e takitakia e te Agaga o te Atua e mafai ke “fetū e ia ia Iehu!” ma e hēai he tino e ia mafai oi folafola “Ko Iehu ko te Aliki,” pe kāfai e hē takitakiagia e te Agaga Paia.

1 Kolinito 12:3 ပူးပေါင်းရင်းမြစ်များ

Mataio 22:43

Oi lea atu ai ia Iehu ki ei, “He ā la te na fakaohofia ai ia Tavita e te Agaga ke lea ko te Mehia ko te ‘Aliki’? Ko Tavita na lea vē,

Maleko 9:39

Ka kua vāgana atu ia Iehu ki a te ki lātou, “Nahe vavaoa te tino tēnā; auā e hēai he tino e ia faia he vāvega i toku igoa kae hohoko ai, kua tautala i ni kupu kino e uiga ki a te au.

Ioane 13:13

Ko au e fakaigoa e koutou ko te Faiakoga ma ko te Aliki, ma e hako lava koutou, auā ko tēnā lava au.

Ioane 13:14

Kāfai la ia au, te Aliki ma te Faiakoga o koutou, na fulufulu e au outou vae, e tatau foki la koutou ke fulufulu e tētahi ia vae o tētahi.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

Loma 10:9

Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.