1 Kolinito 12:26 - Tokelauan New Testament

²⁶ Kāfai he itūtino e fokotahi o te tino e āfāina, ko iētahi itūtino uma o te tino e āfāina fakatahi ma ia; kāfai he itūtino e vīkia, ko iētahi itūtino uma e vīkia fakatahi ma ia.

1 Kolinito 12:26 ပူးပေါင်းရင်းမြစ်များ

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Mataio 5:29

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna.

Loma 12:15

Fiafia fakatahi ma ki lātou e fiafia, faitatagi fakatahi ma ki lātou e faitatagi.

1 Kolinito 12:25

E hē tatau la ke i ei he fevaevaeakiga i te tino, kae ko nā itūtino kehekehe uma o ia, e tatau ke tutuha te loto tuahā o tētahi ki tētahi.

1 Kolinito 12:27

Ko koutou uma ko te tino o Keliho, ma ko koutou tau tokatahi ni itūtino e o ia.

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.

1 Petelu 3:8

Ko te toe mea e lea atu ai au: ko koutou uma lele e tatau ke tutuha outou manatu ma outou lagona; alofa tētahi ki tētahi e vē ni tuagane ma ni tuafafine, ma ke agalelei ma loto maulalo tētahi ki tētahi.